ପ୍ରେମର ଆଲୋକ
ପ୍ରେମର ଆଲୋକ
ଅବୁଝା ମନରେ ପ୍ରଥମ ବିଶ୍ଵାସ
ଭରି ଦେଇଅଛି ଯିଏ ,
ମନର ଆବେଗ ନକହିବା ଆଗୁ
ଆପେ ଯିଏ ବୁଝିଯାଏ ।
ଫୁଟିଗଲେ କଣ୍ଟା ପାଦରେ ମୋହର
କଷ୍ଟ ହୁଏ ଜାର ଛାତିକୁ,
ସହିଯାଏ ବିନା ଦ୍ଵିଧାରେ ତ ଯିଏ
ମୋର ପ୍ରତି ଅଳି ଅର୍ଦ୍ଦଳୀକୁ ।
ବିଚିତ୍ର ଲୀଳା ଏ ଈଶ୍ଵରଙ୍କର,
ସାତ ଜନ୍ମ ପାଇଁ ବାନ୍ଧିଦେଲେ ସିଏ
ସାଥି ସଙ୍ଗେ ମୋର ପବିତ୍ର ଡୋର ।
ଜୀବନଟା ଥିଲା ମୋର
ସାଧା ଏକ କାଗଜ,
ବୋଳି ଦେଲା ଯିଏ ଆସି
ରଙ୍ଗ ବେରଙ୍ଗର ମୁରୁଜ ।
ହୃଦୟ ଯାହାର ଦେବତା ତୁଲ୍ୟ ,
ସ୍ନେହ,ପ୍ରେମ ଭରା କଥା ତାହାର
ମୋ ପାଇଁ ସାଜିଛି ଅମୂଲ୍ୟ ମୂଲ୍ୟ ।
ନଲିଭୁ ନଲିଭୁ କେବେ ଆମ
ସମ୍ପର୍କର ପ୍ରଜ୍ଵଳିତ ଦ୍ଵୀପ ,
ଜଳୁଥାଉ ଚିରକାଳ
ସାଜି ଏକ ପ୍ରେମର ଆଲୋକ ।
ରୋଜା ପଣ୍ଡା
ପୂର୍ଣ୍ଣାନନ୍ଦ ଭବନ ,ନେତାଜୀ ନଗର,ମଧୁପାଟଣା,
କଟକ-୭୫୩୦୧୦