ବାଲିଘର
ବାଲିଘର
1 min
6.6K
ତୋ' ଭରସାର ସାଇତା ହସରେ
ତୋଳିଥିଲି ବାଲିଘର
ଏବେ ସେଇଘରେ ତୋ' ସ୍ମୃତି ଲୁହରେ
ମୁଁ ପାଲଟିଛି ରୂପକାର ।
ବାଲିରେ ଗଢିଛି ତୋ' ସ୍ମୃତି ସବୁକୁ
ଆଖି ଲୁହରେ ଭିଜାଇ
କିଏ ଜାଣେ କେବେ ଲହଡିଟା ଆସି
ତାକୁ ବି ନେବ ଭସାଇ ।
ମୋ ଦେହ ଛୁଇଁ ତୁ କଥା ଦେଇଥିଲୁ
କେବେ କରିବୁନି ପର
ଅଦିନିଆ ଢେଉ ଭସାଇ ନେଲା
ଭାଙ୍ଗିଗଲା ବାଲିଘର ।
ଅନେକ ଆଶାର ପଶରା କୁ ଖୋଲି ମୁଁ
ଖୋଜୁ ଅଛି ତତେ ଆଜି
ଯାଇଛୁ ତୁ' ହଜି ପରି ରାଇଜରେ
ପାଉନି ତତେ ମୁଁ ଖୋଜି ।
ମୋ ହୃଦୟର ସାଧାକାଗଜରେ
ତୋ' ପ୍ରଥମ ହସ୍ତାକ୍ଷର
ଜୀବନ ସାରା ମୁଁ ସାଇତି ରଖିବି
ସାଜି ନିଜେ ବାଲିଘର ।
##ମମତା ମଞ୍ଜରୀ ଦାସ,କଟକ##