ଆ'.. ଆ ମୋ ପାଶକୁ ଧାଇଁ

ଆଖି ପାଣି ମୋର ଆଖିରେ ମଲାଣି

ତୋଅରି ବାଟକୁ ଚାହିଁ,

ବିଳମ୍ବ ତୁ ଆଉ କରନା-ରେ ଜମା

ଆ'...ଆ ମୋ ପାଶକୁ ଧାଇଁ ।(୦)

ଅଖଣ୍ଡ ଭରସା ରଖିଅଛି ମୁହିଁ ,

ତୋହ ଦରଶନ କରିବାର ପାଇଁ ;

ଭାଙ୍ଗନା, ଭାଙ୍ଗନା ସେ ଆଶା ଟିକକ

ପର କଲେ ଯିବି କାହିଁ ।(୧)

ବିଳମ୍ବ ତୁ ଆଉ କରନା-ରେ ଜମା

ଆ'...ଆ ମୋ ପାଶକୁ ଧାଇଁ ।

ଦୁଧ,ଦହି ସିନା ପାରିବିନି ଖୋଇ ,

ମୋ ନୟନ ନୀରେ ଦେବି ପାଦ ଧୋଇ;

ଭାବରେ ମଗନ ହେବିରେ କହ୍ନାଇ

ମୋହନ ମୂରତି ଚାହିଁ ।(୨)

ବିଳମ୍ବ ତୁ ଆଉ କରନା-ରେ ଜମା

ଆ'....ମୋ ପାଶକୁ ଧାଇଁ ।।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ।