ଆସ ଯିବା ବନ୍ଧୁ ଗାଁ କୁ ଫେରି
ଆସ ଯିବା ବନ୍ଧୁ ଗାଁ କୁ ଫେରି
ଆସ ଯିବା ବନ୍ଧୁ ଗାଁ କୁ ଫେରି
ତୋଳିବା ସେଇଠି ଘର
ସେନେହ ପୀରତି ବାଣ୍ଟିବା ସେଇଠି
ଗଢିବା ସୁନା ସଂସାର ।
ସହରଟା ସିନା ଚାକଚକ୍ୟେ ଭରା
ଭରିଛି କେତେ ଯେ ବିଷ
ସ୍ନେହ ବଦଳରେ ପ୍ରତାରଣା ଏଠି
ମିଳେନାହିଁ ଖୋଲା ହସ ।
ଗାଁ ମାଟି ଗୋଡି ପାଣି ପବନଯେ
କହେ କେତେ ମିଠା କଥା
ଥରୁଟିଏ ସେଠି ପାଦ ରଖିଦେଲେ
ଛାଡିଲେ ଲାଗଇ ବ୍ୟଥା ।
ହିଂସ୍ର ଯନ୍ତୁ ସମ ସହରି ମଣିଷ
ଦିନ ରାତି ବାଣ୍ଟେ ବିଷ
ଅଣନିଶ୍ୱାସୀ ଏ ସଂସାର ଜଞ୍ଜାଳେ
ମନ ଚାହେଁ ଖୋଲା ହସ ।
ଗାଁ ରେ ଆମର ସିନା ଚାଳଘର
ହେଲେ ସହରଠୁ ଭଲ
ନଥାଏ ସେଠାରେ ଛନ୍ଦ କି କପଟ
ସଭିଏଁ ବୁଝନ୍ତି ସ୍ନେହର ମୂଲ୍ୟ ।
ଗାଁ ସୁଖ କାହୁଁ ସହରେ ମିଳିବ
ଏଠି କାହିଁ ବା ପ୍ରକୃତି ରାଣୀ
ନଦୀ ନାଳ ପଠା କ୍ଷେତ ବାଡି ତୋଟା
ମନକୁ ଯେ ନେବ ଟାଣି ।
ସହର ବଜାର ଲାଗେ ଅନ୍ଧାରୁଆ
ଚାରିଆଡେ ଧୂଳି ଧୂଆଁ
ସହରରେ ଖାଲି କଂକ୍ରିଟ ଜଙ୍ଗଲ
ସଭିଙ୍କ ମନରେ ନିଆଁ ।
#Positiveindia