ଭୂମି ଦହନ-ଶେଷ ରଜ
ଭୂମି ଦହନ-ଶେଷ ରଜ
ମନଭରି ଶେଷରଜ
ଦିନଟିକୁ ପାଳିବା
ଆଗାମୀ ବର୍ଷର
ଅପେକ୍ଷାରେ ପୁଣି ରହିବା।
ଦୁଇ ଦିନ ଧରି ନାନା
ପିଠାପଣା ଭୁଞ୍ଜିଲେ
ସାଙ୍ଗସାଥି ମେଳେ ମଜା
ମଉଜ ଯେ କରିଲେ।
ରଜ ଦୋଳି ପାଖେ
ଛୋଟ ବଡଙ୍କର ଗହଳି
ମନ ଖୁସି ହୋଇଯାଏ
ଦେଖି ଜନଙ୍କ ମେଳି।
ଆଜି ରବିବାରେ ଘରେ
ଆମିଷର ବ୍ୟଞ୍ଜନ
ଆମ ଓଡିଆଙ୍କ ପେଟ,
ମନ କରେ ରଞ୍ଜନ।
ସମ୍ପର୍କରେ ନିବିଡ଼ତା
ଆଣଇ ଏ ପରବ
ବଞ୍ଚାଇବା ପରମ୍ପରା
ଯାହା ଆମ ଗରବ।
ହୃତ ହୋଇ ଯାଉଥିଲା
ପରମ୍ପରା ଆମର
ଜାଗ୍ରତ ପ୍ରହରୀ ସାଜି
ବଞ୍ଚାଇଲେ ସତ୍ତ୍ବର।
ଓଡ଼ିଶାର ଚଳଣୀ
ପରମ୍ପରାର ଐତିହ୍ୟ
ଜାଣନ୍ତୁ ଯେ ବିଶ୍ବବାସୀ
ଏହା ଅଟେ ମହାର୍ଘ୍ୟ।