ମୌସୁମୀ ପରା ଆସିଛି
ମୌସୁମୀ ପରା ଆସିଛି
1 min
13.4K
ମୌସୁମୀ ଆସିଛି
ମୌସୁମୀ ପରା ଆସିଛି ଆମ ସହରକୁ !!
ଏଥର ବିଜୁଳି ବିଲଟା ଟିକେ କମିବ
କୁଲର ଏସିକୁ ବିରତି ମିଳିବ
ବସ୍ତି ସ୍କୁଲର ମଧ୍ୟାନ ଭୋଜନ ମହକିବ
ଧପ୍ ଧପ୍ କୋଇଲା ଆଞ୍ଚରୁ !
ନାମକରା ହୋଟେଲର ଭାଉ ହଟିବ
ପଖାଳ ଖିଆ ଗ୍ରାହକ ଅଭାବରୁ !
ଓଦାଳିଆ ଖବର କାଗଜଟା ପଡିବ ଫାଟକ ପାଖରେ
'ମେଘ' ମିଲି ମିଟରର ଅପଡେଟ ଆସିବ ଟିଭି ପରଦାରେ ,
'ମୁନସୁନ' ଅଫର ବ୍ୟାନର ଝୁଲିବ ବଡ଼ ମଲରେ !
ସହରର ତାଟି ଘେରା ଜଳଛତ୍ର ଉଠିଯିବ
ଖରାବେଳ ପାଣିଖର୍ଚ୍ଚର ହିସାବ ଦେବାକୁ !
ସହରୀ ଗାଈ ପିଚୁରାସ୍ତା ଛାଡି
ଆଉଜି ରହିବେ ଦୋକାନ ବାରଣ୍ଡାକୁ !
'ଚା' କେଟଲିଟା ମୁରୁକି ହସିବ
ଦେଖିକି ଝିପ ଝିପ ବର୍ଷାର ନୂଆ ଗ୍ରାହକକୁ !
ରାସ୍ତାରୋକ ବେଳରର ଟାୟାର ଜଳା ପିଚୁ ରାସ୍ତାର
ପୁରୁଣା ଖାଲ ଭରି ଯିବ, ଦେଖି ନୂଆ କାଦୁଅକୁ !
ଫି ବର୍ଷ ପରି ସହରୀ ଡ୍ରେନ ପୁଣି ଉଛୁଳି ପଡି
ଛୁଇଁ ଯିବ ଆଉ କାହା ଘର ଡ୍ରଇଂ ରୁମକୁ !
ଆରେ ବ୍ୟସ୍ତ ହୁଅନା !
ମୌସୁମୀ ପରା ଆସିଛି ଆମ ସହରକୁ !!
ସତ୍ୟ ସୁନ୍ଦର ଦାସ
ଅନଗୁଳ