Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Neelima Nivedita Behera

Inspirational

2  

Neelima Nivedita Behera

Inspirational

ନୀଳନିରବତା ୧

ନୀଳନିରବତା ୧

1 min
6.3K


ବଢାଇ ଥିଲି ପାଦ

ଚାଲିବାକୁ ତୁମ ସାଥେ ଯୋଜନ ଯୋଜନ ବାଟ

ପହଞ୍ଚିବାର ଜୁ' ନଥିବ ଯେଉଁଠି

ସେଇଟା ହିଁ ହେଇଥିବ ଆମର ଗନ୍ତବ୍ୟ କବାଟ ।

ଫେରିବାର ଅବକାଶ

ମୁଠାଇ ନଥିଲି ହାତରେ

ପଛଘୁଞ୍ଚାର ତିଳକ

ଲଗାଇ ନଥିଲି ମଥାରେ

ଇଚ୍ଛା ଥିଲା ଖାଲି

ଅନିର୍ଦ୍ଧିଷ୍ଟ କାଳ ଯାଏଁ ଚାରି ଆଖି ଆମ

କାହାଣୀ ରଚୁଥାଉ ସ୍ଵପ୍ନରେ ସ୍ଵପ୍ନରେ ।

ହେଲେ ଫେରିବାକୁ ହେଲା ପଛକୁ

କୂଟକମ ଦେହରୁ

ପୁଣିଥରେ ମୁଠାଏ ପାଉଁଶକୁ

ନିଶ୍ଵାସ-ପ୍ରଶ୍ଵାସରୁ

ଅଚିହ୍ନା ଦଲକାଏ ପବନକୁ

ବେଦନାର ଲୁହରୁ

ନୀଳ ଗଗନର ଜୀମୂତକୁ

କାମନା-ବାସନାରୁ

ଜୁଇର ଅନ୍ତିମ ନିଆଁକୁ ।

ଅନିଚ୍ଛା ସତ୍ତ୍ୱେ ଫେରିଥିଲି ସତ

ଫେରି ପାରିନଥିଲା କିନ୍ତୁ

ବିତିଥିବା ତୁମ ସହ ସମୟ ତକ

ଋତୁ ବଦଳି ମଳୟ ପାଲଟିଥିଲା ସିନା

ଆମର ତତଲା ସେ ଅବୁଝାମଣା

ଫେରି ପାରିନଥିଲା କିନ୍ତୁ

ଆମ ମିଳନର ସେ ସ୍ମୃତି ଟିକକ ।

#


Rate this content
Log in