ବହୁରୂପୀ
ବହୁରୂପୀ
କାହାକୁ କହିବି ମନର ବେଦନା
କହିଲେ କି ଅବା ମିଳିବ ଖୁସି ।
ଏମିତି ତ ଏଠି ଜୀଉଁଛି ଜୀବନ
ଦୁଃଖରେ ବି ଟିକେ ଦେଉଛି ହସି।
ଭଲ ଲୋକ ବୋଲି ଯାହାକୁ କହିବ
ଭଲ ସିଏ ଏଠି ଜମାରୁ ନୁହଁ ।
ବିଶ୍ବାସରେ ବିଷ ଦିଅନ୍ତି ସେ ଜନ
କାହାକୁ ଯେ ଭଲ କହିବ କୁହ?
ଦେଖିଛି ଅନେକ ଏଇ ଦୁନିଆରେ
ଭଲ ଲୋକ ଭଳି ଦିଶନ୍ତି ସିଏ।
ଭିତରେ ଭିତରେ କେତେ ବିଷଧର
ନିଜ ଛଡା ଆଉ ଜାଣିବ କିଏ ?
ବିଶ୍ବାସ ଜମାରୁ କରି ତ ହୁଏନା
ସେଭଳି ବହୁରୂପୀ କୁ ।
ନିତି ବଦଳାନ୍ତି ରୂପକୁ ତାଙ୍କର
ଚିହ୍ନି କି ପାରିବ ତାକୁ ?
କରିବାକୁ ହେବ ଦୂରୁ ଜୁହାର
ଯଦି ବା ଦେଖୁଛ ତାକୁ ।
ପାଶ ମାଡିବନି ସତରେ କହୁଛି
ବିଶ୍ବାସ ନାହିଁ ତାହାକୁ ।
କାଳ ସର୍ପ ଭଳି ବୁଲୁଥାନ୍ତି ସିଏ
ଟେକି ଦେଇ ନିଜ ଫଣା ।
ସୁଯୋଗ ଦେଖିଲେ ଚୋଟ ସେ ମାରନ୍ତି
କରିନ୍ତି ସେ ବାଟ ବଣା ।
******************
ଶ୍ରୀ ଡମ୍ବରୁଧର ବାଗ