ଜଗନ୍ନାଥଙ୍କୁ ଖଣ୍ଡିଏ ଚିଠି

ଜଗତରନାଥ ଆହେ ଜଗନ୍ନାଥ 

ତୁମକୁ ଲେଖୁଛି ଚିଠି

ବିଶ୍ବ ପରିବାର ଭଲରେ ରୁହନ୍ତୁ

କାମନା କରୁଛି ଏଠି

ମା ଲକ୍ଷ୍ମୀଠାକୁରାଣିଙ୍କୁ ଜଣାଇଦେବେ 

ମୋର ସାଦର ପ୍ରଣାମ

ଆଖିର ଲୁହରେ ନିତି ଖୋଜେ

ଅମୃତ ସତ୍ୟର ସନ୍ଧାନ

ମନ ମନ୍ଦିରରେ ଠାକୁର ରୂପରେ 

ପୂଜେ ତୁମକୁ ନିତି

ବିଶ୍ବାସ ବନ୍ଧନରେ ବାନ୍ଧିଦିଅ ମତେ

ଛଳନା ନ କର ମୋ ପ୍ରତି

ମନ ଆଇନାରେ ଦେଖେ ତୁମକୁ

ବିଶ୍ବାସ ମନରେ ରଖି

ଝରିପଡେ ମୋର ନୟନରୁ ଅଶ୍ରୁ  

ତୁମ ଚକାଆଖକୁ ଦେଖି

ସଭିଙ୍କ ମୁଖରେ ହସ ଭରିଦିଅ ପ୍ରଭୁ

କାହାକୁ ଦିଅନି ଦୁଃଖ

ଭରିଦିଅ ଥାଳି ପ୍ରଭୁ କରେ ମୁଁ ଅଳି

ଭିକ୍ଷୁକ ପରି ମାଗେ ଭିକ ।

ଡକ୍ଟର ଝରଣା ଶତପଥୀ

ଭୁବନେଶ୍ବର