ଦେବଦୂତ
ଦେବଦୂତ
1 min
328
ଶ୍ୟାମ ଦୁର୍ବାଦଳେ ଯେ ମହୀ ଶୋଭିତ
ସେହି ଧରାବକ୍ଷେ ହୋଇଅଛୁ ଜାତ
ନନ୍ଦନବନର ଆମେ ନବକଳି
ତମସା ନାଶିବୁ ଜ୍ଞାନାଲୋକେ ଜଳି ।
ଆମ ସୁରଭିରେ ସୁରଭିତ ବିଶ୍ଵ
ଦୁଃଖି ଅଧରରେ ଖେଳାଇବୁ ହସ
ଭୋକିଲା ଉଦରେ ନରହିବେ କେହି
ମାତା ପାଦତଳେ ନଇବେଦ୍ୟ ସେହି ।
ଅସ୍ତ୍ର ଅଟେ ଆମ୍ଭ ଅହିଂସା ମନ୍ତର
ହୋଇବୁ ସାରଥୀ ବିଶ୍ଵ ପ୍ରଗତିର
ଅନ୍ୟାୟ ଅନୀତି ଶୋଷଣ ଦୁର୍ନୀତି
ପରାଜିତ କରି ଯେତେ ମନ୍ଦ ମତ୍ତି ।
ଶିଶୁରୁପି ଆମ୍ଭେ ଅଟୁ ଦେବ ଚର
ଶାନ୍ତି ପ୍ରେମ ବାର୍ତ୍ତା କରିବୁ ପ୍ରସାର ।