Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Diptimayee Biswal

Others

3  

Diptimayee Biswal

Others

ଦୋଳି

ଦୋଳି

1 min
396


ମଝି ଖଞ୍ଜାରେ ପୁରୁଣା ଲୁଗାର ଦୋଳି ।

କୁନିପୁଅ ଝୁଲୁଚି, 

ଳାଳ ସର୍ ସର୍

ପାଟିରେ ପାଞ୍ଚ ଆଙ୍ଗୁଳି ।


ବିନା ଦୋଳିରେ ଝୁଲୁଚି ବୋଉ,

ସକାଳୁ ରାତି,ରାତିରୁ ସକାଳ

ପରବାୟ ନାହିଁ , 

ଲୁଗା ଭିଡିଚି ଅଣ୍ଟାରେ ।


ବାପା ଭାରି ମଜଭୂତ୍,

ତାଙ୍କ ହାତ ବନ୍ଧା ପଟା ଦୋଳି 

ଏବେ ଆକାଶ ମୁହାଁ ।

ବାପା ତଥାପି ଝୁଲୁଚନ୍ତି

ଦାଣ୍ଡ ଦୋଳିରେ, କର୍ତ୍ତବ୍ୟ ଦାୟରେ ।


ଜଞ୍ଜାଳ ଶୂନ୍ୟ, ମସ୍ତ ମୌଲା ବାୟା 

ଝୁଲୁଛି ତାଳଗଛ ଅଗରେ ।

ମିଥିଳାୟାଂ ପ୍ରଦଗ୍ଧ୍ୟା ନ ମେ ଲାଭ 

ନ ମେ କ୍ଷତି' ନ୍ୟାୟରେ ।


ତ୍ରିଶଙ୍କୁ ନା ସ୍ବର୍ଗରେ,

ନା ମର୍ତ୍ତ୍ୟରେ

ମଝି ବାଟରେ ଭିଜୁଛି

ଶୀତ କାକରରେ,ମେଘନିଦାଘରେ ।


ଦୋଳିରେ ପଟା ନାହିଁ,

ଦଉଡି ନାହିଁ,

ତଥାପି ଦୋଳି ଝୁଲୁଚି

ମାଟିରୁ ଆକାଶ,

ଆକାଶରୁ ମାଟି,

ମାଟିରୁ ଆକାଶ ।


Rate this content
Log in