Library
ସ୍ମୃତିରେ ତେଜସ୍ୱୀ
ସ୍ମୃତିରେ ତେଜସ୍ୱୀ
ହେ' ତେଜସ୍ୱୀ ପୁରୁଷ ସର୍ବ ମାନ୍ୟ ପୁତ୍ର
ଶତାବ୍ଦୀର ଶେଷ ସୂର୍ଯ୍ୟ ;
ଅଟଳ ଯୁଗର ହେଲା ଅବସାନ
ତୁଟିଗଲା ସବୁ ଧର୍ଯ୍ୟ !!!
ବର୍ଷିୟାନ ନେତା ମହା ରାଜନେତା
ସୁଯୋଗ୍ୟ ସନ୍ତାନ କଵି ;
କାହିଁଗଲ ହଜି ଅଟଳ ବିହାରୀ
ଆଉକି ଉଇଁବ ରବି !!
କୋଟି ଜନମନେ ସ୍ମୃତି ଛବି ଭାସେ
ଦରଦୀ ହୃଦୟ ବନ୍ଧୁ ;
ମାଆ ଭାରତୀର ତୁମେହିଁ ପ୍ରିୟର
ଝରିପଡ଼େ ଅଶ୍ରୁ ବିନ୍ଦୁ !!
କଥା କୁହୁକରେ ଏ ସାରା ବିଶ୍ୱରେ
ଥିଲ ମହାବାଗ୍ମୀ ଭୀଷ୍ମ ;
ତେଜସ୍ୱୀ ଭାଷଣ ମୁଖେ ବଜ୍ରବାଣ
ମୁଖେ ଥିଲା ଚିର ହସ !!
ମାତୃଭାଷା ପ୍ରୀତି ତୁମରି ସମ୍ପତ୍ତି
ରହିଛି ରୋଚକ ଗାଥା ;
ବିଶ୍ୱଦରବାରେ ମହା ଜାତିସଂଘେ
ବଖାଣିଲ ମାଆ ଭଷା !!
ହୃଦୟର କଵି ଅମ୍ଳାନ ଏ ଛବି
ଦୃଢମନୋବଳ ଭାବ ;
ହରିବାର ଭୟ ନଥିଲା ତୁମର
ସର୍ବ ସିଦ୍ଧି ପୁଣ୍ୟ ଲାଭ !!
କାରଗିଲ ସମର ଅଲିଭା ସ୍ୱାକ୍ଷର
ଦେଶର ସୁରକ୍ଷା ଛବି ;
ତୁମରି ନିଷ୍ପତି ବିଜୟର ସ୍ମୃତି
ହସୁଛି ମାଆକୋଳେ ଭବି !!
ପ୍ରଧାନ ସେବକ ଦେଶମାତୃକାର
କାହିଁ ଛାଡ଼ି ଚାଲିଗଲ ;
ହସ ଲିଭିଗଲା ମାଆ ଭାରତୀର
ସ୍ୱପ୍ନ ହେଲା ସ୍ୱର୍ଗଫୁଲ !!
ଲୁହରେ ଭିଜିଲା ସ୍ମୃତି ରାଜଘାଟ
ପଞ୍ଚଭୁତେ ହେଲ ଲୀନ;
ପାଳିତା ନମିତା ଦେଲା ମୁଖାଅଗ୍ନି
ଆଉକି ଫେରିବ ଧନ !!
ରାଷ୍ଟ୍ରୀୟ ମର୍ଯ୍ୟାଦା କୁଶଳ ବ୍ୟବସ୍ଥା
ହେରତ୍ନ ପୁତ୍ର ସମର୍ପଣ ;
ମୃତ୍ଯୁପର ଅତ୍ମା ଭୁଲିବନି ଜମା
ମାଆ ଭାରତୀକୁ ଜାଣ !!
ଭାରତ ରତନ ଅଟଳ ସନ୍ତାନ
ଜନ୍ମିବ ଭାରତେ ତୁମେ ;
ଦୂରଆକାଶରୁ ଆସିବ ହେ' ଗୁରୁ
ପବିତ୍ର ଭାରତ ଭୂମେ !!
ଶେଷ ଶ୍ରଦ୍ଧାଞ୍ଜଳୀ କରହେ ଗ୍ରହଣ
ଆଜୀବନ ବ୍ରହ୍ମଚାରୀ;
ମୁଁ ଅଜ୍ଞାନ ସୁତ ଲେଖିଛି ବୃତ୍ତାନ୍ତ
ତୁମରି ସ୍ମୃତି କୁ ସ୍ମରି !!
ସଦାନନ୍ଦ ସାହୁ ;
ଧୁରୁଷୀଆ ; ଆଠଗଡ଼ ; କଟକ
