ଚକ୍ରବ୍ଯୁହରେ ପ୍ରେମିକା - ୨
ଚକ୍ରବ୍ଯୁହରେ ପ୍ରେମିକା - ୨
କଣ ଭୁଲ୍ ମୋର ?
ତମ ସ୍ୱପ୍ନ, କଳ୍ପନା,
ମନ ସବୁ ତମର,
ମୁଁ ସେଠି କିଏ
ଅବା କୁହତ ?
ଯାହା କିଛି କମିଛି
ସବୁ ତମ ଭିତରୁ,
ଦିନ ଆସିବ
ତମେ ଦେଖିବ
ଓ ଜାଣିବ ବି
ଏମିତି କେମିତି
ଅନ୍ୟାୟ ଭାବରେ
ମୋତେ କଷ୍ଟ ହିଁ
ଦେଇ ଚାଲିଛ l
ତମେ ବୁଝିପାରିବନି
କିମ୍ୱା ତମେ ବି ମୁ୍ଁ
ହୋଇ ପାରିବନି l
ଅବଶୋଷ ମାନଙ୍କ ଘର
ହୋଇଗଲାଣି ଏ ମନ,
ଏପଟ ନାଇଁ ତ ସେପଟ
ମଝିମଝିରେ ଅାଉ ମୋତେ
ଏମିତି ମାରନି l
ଖୁବ୍ କଷ୍ଟ ପାଇସାରିଛି
ବିନା ଅପରାଧରେ
ଆଉ କଷ୍ଟ ଦିଅନି l
ତମ ସହ ଜଡିତ ହୋଇ
ସବୁଠୁ ଅଧିକ ଖୁସି ହେବି
ବୋଲି ଭାବିଥିଲି,
କିନ୍ତୁ ସବୁଠୁ ଦୁଃଖୀ
ହୋଇ ରହିଗଲି l
ତମେ ତ ଟିକେ
ବି ବଦଳିଲନି
କି ମୋ ମନ କଥା
କିଛି ବି ବୁଝିଲନି l
ଯାହାକୁ ମାନସିକ ଭାବେ
ଖୁବ୍ ଶକ୍ତ ଆଶ୍ରାଟିଏ
ବୋଲି ଭାବୁଥିଲି
ସେ ଆଜି ଏମିତି କେମିତି
ଏ ଡହ ଡହ
ମରୁଭୂମିରେ ଛାଡିଦେଇଛି
ସମ୍ପୂର୍ଣ୍ଣ ଭାବେ ପରକରି ?
**********************
ପ୍ରଶାନ୍ତ କୁମାର ବେହେରା
ଅଧ୍ଯାପକ , ରାଜନୀତି ବିଜ୍ଞାନ ବିଭାଗ,
ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟ,
ଜଗତସିଂହପୁର l
ଦୂରଭାଷ - ୯୪୩୭୧୩୫୯୧୬