Audio

Forum

Read

Contests

Language


Write

Sign in
Wohoo!,
Dear user,
ବନ୍ଧୁତା
ବନ୍ଧୁତା
★★★★★

© JITENDRA KUMAR KONHAR

Inspirational

1 Minutes   6.6K    11


Content Ranking


ବନ୍ଧୁ ବିନା ଜୀବନ କି ଜୀବନ,

ହସ ଆଉ ଖୁସି ଲାଗେ

ଖାଲି ସ୍ବପ୍ନ ଆଉ ସ୍ବପ୍ନ ।


ବନ୍ଧୁ ତ ଓଠର ଅଲିଭା ହସ

ହୃଦୟରେ ଯାର ବାସ,

ଯେ ପାଶେ ଥିଲେ ରହି

ଯାଏ ଭୁଲି ଯେତେ ଅବଶୋଷ।


ସମ୍ପର୍କର ଅନ୍ୟ ଏକ ନାମ ବନ୍ଧୁତା

ଜୀବନର ଅନ୍ୟ ଏକ ନାମ ବନ୍ଧୁତା,

ଦୁଃଖ ଭିତରେ ବି ସୁଖର ଅନୁଭବ

ସେଇ ତ ଅଟଇ ବନ୍ଧୁତା।


ନା ଦିଏ ହାରିବାକୁ

ନା ଦିଏ ଥକି ପଡ଼ିବାକୁ,

ସାଜିଯାଏ କେତେବେଳେ ଅନ୍ତରର ଶକ୍ତି

ପାଦ ବଢ଼ାଇ ଆଗକୁ ଚାଲିବାକୁ।


ଛାଇ ପରି ପାଶେ ଥାଏ

ସତେ ଯେମିତି ପ୍ରହରୀ ଟିଏ,

ଅନ୍ଧାର ଭିତରେ ଯେମିତି ଆଲୁଅ ଟିଏ

ସ୍ଥିତି ତାର ସଦା ରହିଥାଏ।


ବିତିଯାଏ ସମୟ ଜଣାପଡେ ନାହିଁ

ବନ୍ଧୁ ଗହଣ ରେ ଥିଲେ,

ସ୍ୱର୍ଗ ସୁଖର ଆସର ଯେମିତି

ମରତ ମଣ୍ଡଳେ ଖେଳେ।


ବନ୍ଧୁତାରେ କେବେ କାହାର ନ ଆସୁ ଇତି

ଠାକୁର ପାଖେରେ ଏତିକି ପ୍ରଣତି,

ଅଖଣ୍ଡ ରହୁ ଚିର ବନ୍ଧୁତ୍ୱ ଜ୍ୟୋତି

ଯାଉ ଏ ଜୀବନ ବନ୍ଧୁତାରେ ବିତି।




Jitendra Konhar (Jitu)

ବନ୍ଧୁତା ଜୀବନ ସମୟ

Rate the content


Originality
Flow
Language
Cover design

Comments

Post


Some text some message..