Audio

Forum

Read

Contests

Language


Write

Sign in
Wohoo!,
Dear user,
ମୋ ଛୋଟ ସହରର ସକାଳ
ମୋ ଛୋଟ ସହରର ସକାଳ
★★★★★

© Ajaya Mahala

Inspirational

1 Minutes   13.2K    6


Content Ranking

ଏଠି ସକାଳ ଆସେ

ପରସ୍ପର ପ୍ରତିଦ୍ବନ୍ଦିତା କରି ଦୌଡ଼ୁଥିବା

ସ୍କୁଲ ବସ୍ ଙ୍କ ଦାଉରୁ

ନିଜକୁ ବଞ୍ଚାଇ

ସ୍କୁଟରରେ ପଛ ଆଡକୁ ମୁହଁ କରି ବସି

ବହି ମେଲାଇ ପାଠ ପଢୁ ପଢୁ

ରାସ୍ତାରେ ଯାଉଥିବା ଲୋକଙ୍କୁ ଦେଖି ଦେଖି

ଯାଉଥିବା ଝିଅଟି ପରି

ବଡ ଚୁଲବୁଲି ଏ ସକାଳ

ସେ ଆଗକୁ ବଢେ

ଅଗରବତୀର ଧୂଆଁ ଚିରି ବାଜୁଥିବା

ଆଖୁ ରସ ମେସିନରେ ବନ୍ଧା ଥିବା

ଘୁଂଗୁର ତାଳରେ

ଆଜି ପୁଣି ଥରେ ଜିଇବାର

ସଂକଳ୍ପ ନେଇ

ଅମାନବୀୟ ଠାଣିରେ ||


ଆମ୍ବୁଲାନ୍ସର ସାଇରନକୁ

ଭୃକ୍ଷେପ ନ କରି ଚାଲୁଥିବା

ଯାନ ବାହନ ଆଉ ପଥିକ ମାନଙ୍କ ଭିଡରେ

ସାଧାରଣ ଜନତା ପରି

ଚାଲୁଥାଏ

କେବେ ସେ

ଶାନ୍ତ ଆଉ ସଂଯମଶୀଳ

ଜଗିଙ୍ଗ କରି ଆସିଥିବା

ଧାବକର ଅସ୍ୱାଭାବିକ ପଦପାତ ଦ୍ୱାରା

ଉତ୍ତେଜିତ ନ ହୋଇ

ତା ଆଡ଼କୁ ସଂଯମ ଦୃଷ୍ଟିରେ ଦେଖୁଥିବା

ଗଳିର କୁକୁର ପରି ହୋଇ

ସାଉଥ ଇଣ୍ଡିଆନ କେଫେରେ

କାଉଣ୍ଟର ମାଡି ବସିଥିବା ମ୍ୟାନେଜର

ତାର ମୁନିଆଁ ତାର ଡାମ୍ପଣରେ

ଇଡ଼ଲି ଆଉ ଚା' ର ପ୍ରଥମ କୂପନକୁ

ବିଦ୍ଧ କଲାବେଳେ

ସକାଳ ନିଜ ଦେହକୁ ବି

ତନଖି ନିଏ...

ଜାଣିବା ପାଇଁ

କେଉଁଠି ରକ୍ତ

ଝରିଲା ନାହିଁ ତ !


ଅଟା ଚକିରେ ଓହଳିଥିବା

ନଅଟି କଞ୍ଚା ଲଙ୍କା ଆଉ ଲେମ୍ବୁ ମାଳ

ତଳେ ଦୋଳାୟମାନ ସକାଳ

ଅସୁରକ୍ଷା ଭାବନା ଭିତରେ

ନିଜକୁ ନିଜେ

ଧନ୍ୟବାଦ ଦେଉଥାଏ

ରାତି ସାରା ବନ୍ଦ ରୁମରେ ରହିଲା ପରେ

ପିଞ୍ଜୁରୀକୁ ବାହାରକୁ ଟାଣି

ଖରାରେ ରଖାଯାଉଥିବା ବେଳେ

ଜୀବନ ପ୍ରତି ପୁଣି ଥରେ

ଆଶାୟୀ ହୋଇପଡିଥିବା

ବ୍ରଏଲର କୁକୁଡ଼ାଙ୍କ

ଇତସ୍ତତଃ ଚାହାଣୀରେ

ନିଜକୁ ନିଜେ ପାଏ ସେ ||

ଜୀବନ ପିଞ୍ଜୁରୀ ଝିଅ

Rate the content


Originality
Flow
Language
Cover design

Comments

Post


Some text some message..