ଏମିତି ଏକ ଦିନ ଅସନ୍ତାକି

କାହାର ଚୁଲିରେ ବିଲେଇ ଶୋଉଛି

କିଏ ଭାସେ ମଦ ମାଂସରେ

କିଏ ତୋଳେ ଏଠି ନବସ୍ଚୁମ୍ବି କୋଠା

କାହାର ସମ୍ପତି ଧ୍ଵଂସରେ ।

କିଏସେ ଟିକିଏ ଶାନ୍ତିରେ ରହିଲେ

ଜଳିଯାଏ କିଏ ଇର୍ଷାରେ

କାହା ଓଠେ ଏଠି ହସର ଫଗୁଣ

କା' ଆଖିରେ ଲୁହ ବର୍ଷାରେ ।

ପାଉନାହିଁ କିଏ ପେଟକୁ ତା ଦାନା

କିଏ ଖାଏ ସୁନା ଥାଳିରେ

କା' ଘରେ ସମ୍ପତି ପରିପୂର୍ଣ୍ଣ ଏଠି

ପୁରୁ ନାହିଁ କା'ର ଥଳିରେ ।

ଖାଇ ଖାଇ କିଏ ଫୋପାଡ଼ି ଦେଉଛି

କା' ପେଟ ପୋଡ଼ୁଛି ଭୋକରେ

ହସ ଓ ଖୁସିରେ ଦିନ କଟେ କା'ର

କା' ଦିନ ବିତୁଛି ଦୁଃଖରେ ।

ଏମିତି ଗୋଟାଏ ଦିନ ଆସନ୍ତା କି

ରୁହନ୍ତେନି କେହି ଭୋକରେ

ଗରୀବର ଦୁଃଖେ ସାଥି ହୁଅନ୍ତାନି

ରହୁ ଅଛି ଯିଏ ସୁଖରେ ।

*****

ପ୍ରଶାନ୍ତ କୁମାର ନାଥ

ଲାଲବାଗ ରୋଡ଼,ବାଙ୍ଗାଲୋର-୫୬୦୦୨୭