ଭୂସ୍ୱର୍ଗ
ଭୂସ୍ୱର୍ଗ
ଭୂସ୍ୱର୍ଗ
ପ୍ରମୋଦ ପ୍ରଧାନ
ଘାସରେ ଦୋହଲେ ହସର ସୁହାଗ,
କାଶତଣ୍ଡିରେ ଦୋହଲେ ପ୍ରେମ-ପ୍ରୀତିର ରାଗ,
ଅଶିଣ ଛାତିରେ ରୂପେଲି ପସରା
କରେ କେତେ ଆତ୍ମହରା...!
ଆକାଶେ ଦୋହଲେ ମହୁଲି ମେଘ ।
ମେଘ ଚାଲିଚାଲି ବୁଲେ
ପାହାଡ଼ ଛାତିରେ,
ବୁଣିଦିଏ ଖାଲି ବାସ୍ନା ବଣମଲ୍ଲୀ,
ଖିଆଲି ମନକୁ ସରେ ସେଇ ନହୁଲି ଓଠ,
ସୁନେଲି ଖରା ବି...
ଚାହେଁ ତାକୁ ବୁଲି ବୁଲି ।
ତରୁଲତା ଡାଳେଡାଳେ ଝୁମେ ପ୍ରଜାପତି,
ମଧୁମକ୍ଷି ଝୁମିଝୁମି ଚୁମେ ଫୁଲ ଜାତିଜାତି,
ସରଣୀର ସରାଗରେ ମନ ଧଂସିଧଂସି
ଉଡ଼େ ରାଜହଂସୀ...
ନଈକୂଳେ ଶୁଭେ ପୀରତିର ବଂଶୀ ।
ମୟୂର ବି ତୋଳେ ଉଷ୍ଣ ଅନୁରାଗ
ପ୍ରଣୟ ତୃଷ୍ଣାରେ...
କାଶତଣ୍ଡି ଚୋରେଇନିଏ ଶରତ ବେହାଗ,
ଅନନ୍ତର ସୃଷ୍ଟିଧାରେ ଧରଣୀ ଭୂସ୍ୱର୍ଗ ।
ଫ୍ରେଣ୍ଡସ୍ କଲୋନୀ, କଟକ
ଫୋନ : ୯୪୩୭୧୮୨୭୮୫
*****