Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

ଓଡ଼ିଆ ଗଳ୍ପ ଓ କବିତା - ୧

Classics

2  

ଓଡ଼ିଆ ଗଳ୍ପ ଓ କବିତା - ୧

Classics

ଉଦାସୀ ପାନ୍ଥ

ଉଦାସୀ ପାନ୍ଥ

1 min
6.9K


ରୋମାଣ୍ଟିକ କବି ମାୟାଧର ମାନସିଂହ


ସେଦିନ ସେ ସନ୍ଧ୍ୟାକାଳେ ଆସିଲେ ଅତିଥି

ସରଳ,ସୁନ୍ଦର ଯୁବା, ସୁଠାମ ଗଠନ,

ନୟନେ ରହିଛି କୋଟି ଲୋଚନର ପ୍ରୀତି,

ଗୌର କରେ ଜଳୁଥିଲା ସୁବର୍ଣ୍ଣ କଙ୍କଣ ।

ପାନ୍ଥଶାଳା କ୍ରୀତଦାସୀ-ସେବିକା ସବୁରି,

ଯେ ମାଗିଛି ସେବା ମୋର ଦେଇଛି ମୁଁ ତାରେ,

ନ ମାଗି କିଛି ସେ ପାନ୍ଥ, ନେଲେ ସବୁ ଜୁରି,

ଦେହ ତ ଇତରଙ୍କର-ସେ ନେଲେ ହିୟାରେ ।

ନ ମାଗି କିଛି ସେ ପାନ୍ଥ ଚଳିଲେ ସ୍ବପଥେ,

ପାନ୍ଥଶାଳା ଦ୍ୱାର ଧରି ରହିଲି ଅନାଇଁ,

ବୁକୁ ମୋର ତାଙ୍କ ପଛେ ଗଲା ମନୋରଥେ,

ସର୍ବସ୍ବ ଚରଣେ ଥୋଇ, ଆଣିବ ମଣାଇ ।

ସେ କି ଗୋ ଫେରିବା ଜନ ? - ଚଳିଲେ ସଧୀରେ,

କ୍ରୀତଦାସୀ ଅଶ୍ରୁ ରେଖା ଚୁମ୍ବିଲା ମହୀରେ ।

ସମାପ୍ତ


Rate this content
Log in