ଏକଲକ୍ଷ୍ୟ ଏକଲୟ
ଏକଲକ୍ଷ୍ୟ ଏକଲୟ
ହସ୍ତରେ କୋଦଣ୍ଡ କରିଛି ଧାରଣ
ପେଶିବି ମୁଁ' ତୀକ୍ଷ୍ନଶର ,
ଲକ୍ଷ୍ୟରୁ ବିଚ୍ୟୁତି ମୁଁ'ଜମା ହେବିନି
ଏଇତ ପ୍ରତିଜ୍ଞା ମୋ'ର ! !
ତ୍ରେତୟା ଯୁଗରେ ପ୍ରଭୁ ରାମଚନ୍ଦ୍ର
ଦ୍ଵାପରେ ଅର୍ଜ୍ଜୁନ ବୀର ,
କୋଦଣ୍ଡର ମିତ ଥିଲେ ସେ' ପୁରୁଷ
ପରାକ୍ରମୀ ସୁତ୍ରଧର ! !
ବିଫଳତା ପରେ ସଫଳତା ମିଳେ
ଏ'କଥା ନୁହଁଇ ମିଥ୍ୟା ,
ସକରାତ୍ମକ ଚିନ୍ତାଧାରା ଭାବ
ଗାଏ ବିଜୟର ଗାଥା ! !
ତୀରନ୍ଦାଜୀ ସାଜି ନିକ୍ଷେପିବି ଆଜି
ଜିତିବା ପାଇଁ ମୁଁ' ବାଜି ,
ଅର୍ଜ୍ଜୁନଙ୍କ ପରି ସାଜିବି ବିନ୍ଧାଣି
ଅରଜିବି କିର୍ତ୍ତୀ ରାଜି ! !
ଧନୁତୀର ମୋର ଯିବନି ବେକାର
ବିନ୍ଧିବି ଲକ୍ଷ୍ୟ ସ୍ଥଳରେ ,
ମତ୍ସ୍ୟନେତ୍ର ଦେଖି ସୁକ୍ଷ୍ମରେ ପେଶିବି
ମହାଶୂନ୍ୟେ କୁଶଳରେ ! !
ସଂକଟ ବିପଦେ ରହିବି ସମ୍ମୁଖେ
ଶତୃଦେବ ପଛଘୁଞ୍ଚା ,
ଅଭ୍ୟାସ ବିଭାସ ମୋ' ମନ ମିତ
ରଣ କ୍ଷେତ୍ରେ ମନ ବାଞ୍ଛା ! !
ମୋ' ତୀର ଥଳିଟା ଅସରନ୍ତି ଉର୍ଜା
ହେଵ ନାହିଁ କେବେ ଶୂନ୍ୟ ,
ଅଛି ମୁଁ' ନିଶ୍ଚିନ୍ତ ସେଥି ପାଇଁ ମିତ
ଶତୃନାଶେ ମହାପୁଣ୍ୟ ! !
ଆକାଶରେ ସୂର୍ଯ୍ୟ ପରାକ୍ରମେ ଧର୍ଯ୍ୟ
ଵୀରର'ତ ବୁଦ୍ଧି ମତ୍ତା ,
ନୀରବ ନିଶ୍ଚଳ ସଫଳତା ମନ୍ତ୍ର
ଅନୁଭବେ ଯୁଦ୍ଧ କର୍ତ୍ତା ! !