ଏଣୁତେଣୁ16
ଏଣୁତେଣୁ16
ତୁମକୁ ଦେଖିଲେ ମନେପଡ଼େ ଅତୀତ,
ଯେତେବେଳେ ମୁଁ ବି ଏମିତି ଦୁଷ୍ଟାମି କରେ...
ହସେ ଆଉ ହସାଏ...
କେମିତି କେଜାଣି ସବୁ ସ୍ଥିର ହେଇଗଲା,
ମୋ ଭିତର ଛୁଆଟା କେତେବେଳେ ମରିଗଲା !
ତମେ ଭଲ ଲାଗ ପ୍ରଥମରୁ,
ହେଲେ ଏବେ ଲାଜ ଲାଗେ ବେଶୀ...
ସପନରେ ତୁମକୁ ଦେଖିଲା ଦିନୁ,
ଡର, ଛାତିରେ ମୋ ହେଇଛି ଲେସି ।
ଜାଣେ, ୟାକୁ ତୁମେ କବିତା କହିବ,
ଆଉ nice ଲେଖି ଉତ୍ତର ଫେରେଇବ ।
କିଛି କୁହନା, ବାସ୍... ଚୁପ୍ ରହିଯାଅ,
ବରଂ ବେଶୀ ଭଲ ହେବ ।
ଦଲକାଏ ପବନ ପରି ଲିଭିଯିବ ଆଶା,
ପାଣିରେ ଗାର ପରି ଛାଡ଼ିଯିବ ନିଶା ।
ବାସ୍ ! ଚୁପ୍ ରହିବା କିଛିଦିନ ଜାରି ରଖ ।
ଦେଖିବ, ଶବ୍ଦମାନେ ବି ନିରବିବେ ଧୀରେ ଧୀରେ,
ଆଉ ତୁମକୁ ହଇରାଣ କରୁଥିବା
ମେସେଜମାନେ ଶୋଇଯିବେ ଆପେ
ମୋ Keyboardର କଳାଧଳା ସୁଇଚରେ...#।