ବେସୁରା ଗୀତି-୭୭୧
ବେସୁରା ଗୀତି-୭୭୧
ବର୍ଷା ଗୋ ତୋର ସରଳ ପଣତରେ
ଆସିଥିଲୁ ଥିରି ଥିରି
ତୋର ଆଗମନେ ହାସିଲା ଦୁନିଆଁ
ହସିଲା ସବୁଜ ଶିରୀ ॥
ହଠାତ୍ ଦେଖିଲି ବରଷା ତୋ ରୂପ
ଦିଶୁଥିଲା ଭୟଙ୍କର
ରୁମୁ ଝୁମୁ ତୋର ପାଉଁଜିର ସ୍ଵର
ଭରି ଦେଲା ହାହାକାର
ନେଲୁ ତୁହି ଏକ ଘୂର୍ଣ୍ଣିଝଡ ରୂପ
ସାଗରକୁ ଦୁଲୁକାଇ
ଆଖିରେ ଭରିଲୁ ଲୁହର ସାଗର
ସ୍ଵପ୍ନ ସବୁ ନେଲୁ ଧୋଇ ॥
ଦୁର୍ବଳ ହେଲା ତୋ ଭୟଙ୍କର ରୂପ
ଧୀରେ ତୁ ନରମ ହୋଇ
ଭାବିଲି ମୁଁ ମନେ ଚାଲିଗଲୁ ବର୍ଷା
ଶ୍ରାବଣକୁ ସାଥେ ନେଇ ॥
ପ୍ରତିକ୍ଷା କରିଛି ଫେରିବୁ ତୁହି ଲୋ
ସରଳ ସୁନ୍ଦର ରୂପେ
ହସିବ ଦୁନିଆଁ ହସୁଥିବୁ ତୁହି
ସ୍ଵର୍ଗ ଓହ୍ଲାଇବ ମର୍ତ୍ତ୍ୟେ ॥