ଏଇ ବୋଧେ ପ୍ରେମ
ଏଇ ବୋଧେ ପ୍ରେମ
ପ୍ରେମ ଅଟେ ଏକ ମହୁଲିର ନିଶା
ଅଦିନେ କରାଏ ବର୍ଷା
ହୃଦୟ ସ୍ପନ୍ଦନ ହୁଏ କ୍ଷୀପ୍ରତର
ସବୁକିଛି ଲାଗେ ଫିିିକା ।
ଅପୂର୍ଣ୍ଣ ଜଗତେ ପୂର୍ଣ୍ଣ କରିଦିଏ
ପ୍ରେମୀ ପ୍ରଣୟୀ ଜୀବନ
ହୃଦୟ ତନ୍ତ୍ରୀରେ ଗୁୁଞ୍ଜରିତ ହୁଏ
ସଦା ପ୍ରେମର ଗୁଞ୍ଜନ ।
ପ୍ରେମରେ ପଡିଲେ ଅମା ଅନ୍ଧାର ବି
ହୁଏ ପୂର୍ଣ୍ଣମୀର ଜହ୍ନ
ଶରୀରରେ ଆସେ ଶତ ସି°ହ ବଳ
ସ୍ୱପ୍ନରେ ପହଁରେ ମନ ।
ଶାଶ୍ଵତ ପ୍ରେମରେ ନଥାଏ ଛଳନା
ନଥାଏ ଦେହର ଭୋକ
ଆଖି ଖୋଜେ ଖାଲି ତା'ର ପ୍ରତିଛବି
ମିଳଇ ସେଥିରେ ସୁଖ ।
ଅସରନ୍ତି ଏଇ ଜୀବନ ନାଟକ
ସଦା ବଦଳାଏ ଦୃଶ୍ୟପଟ୍ଟ
ହେଲେ ବଦଳଳେନି ପ୍ରଣୟୀର ମନ
ସମ୍ପର୍କରେ ପଡେନି ଫାଟ ।
ଖୋଜିବାରେ ଯେଉଁ ଆନନ୍ଦଟି ଥାଏ
ପ୍ରାପ୍ତିିିରେ ନଥାଏ ତାହା
ପ୍ରଣୟୀକୁ ଖୋଜେ ପ୍ରେମ
ସବୁବେଳେ ମେଲି ତାର ଚଉବାହା ।
ମମତା ମଞ୍ଜରୀ ଦାସ
କଟକ