ଏ ଆଳୁ-ପିଆଜ ଚାଷ ପ୍ରୋତ୍ସାହନ
ଏ ଆଳୁ-ପିଆଜ ଚାଷ ପ୍ରୋତ୍ସାହନ
ଏ ଆଳୁ-ପିଆଜ ଚାଷ ପ୍ରୋତ୍ସାହନ
ପର୍ଶୁରାମ ବିଶ୍ୱାଳ
ପିଆଜ-ଆଳୁଟି ନାହିଁ ବୋଲି ଜଗା କାନ୍ଦେ ମୋ ରୋଷେଇ ଘର,
ହାତ ମାରିଦେଲେ ପୋଡ଼ିଯିବ ହାତ ଶୁଣି ସେ ଦିଇଟା ଦର,
କହ ତୁ କେବେରେ ବୁଝିବୁ କହ୍ନେଇ
ଏ ଦୁଃଖ ହୋଇବ ଦୂର ?
ମୋ ବିଲ ଫସଲ ଆଳୁ ପାଞ୍ଚ ଟଙ୍କା ନବାକୁ ନାହିଁ ଗରାଖ,
ଆଜି ସେ ପଚିଶି କିଣିବ କିମିତି ମୋ ଭଳି ଗରିବ ଲୋକ,
ପିଆଜ କଥା ମୁଁ କି କିହିବି ପ୍ରଭୁ
ସିଏ ସତୁରି ବଜାର ।
ଆଗେ ହେଉଥିଲା ବାରିଘରେ ଆମ ପରିବା ସେ ହାଉଜାଉ,
ଜହ୍ନି, ଭେଣ୍ଡି, ବାଇଗଣ ସେ କଲରା, କାକୁଡ଼ି, କଖାରୁ, ଲାଉ,
ଖାଇ ବାଣ୍ଟୁଥିଲୁ, ରାଜୁତି ଚାଲିଚି
ସେଠି ଗାଈ-ଛେଳିଙ୍କର ।
ଇଏ ଆମ ଦେଶ ଜାଣିବୁ ଠାକୁର ଅକରମା ଆମେ ହେଲୁ,
ନିଜ ବାଡ଼ିଘରେ ପରିବା ନକରି ହାଟବାଟ ଦଉଡ଼ିଲୁ,
ସେ ପରିବା ଦର ବଢ଼ିଗଲା ଆଜି
ମୁଣ୍ଡ ବିନ୍ଧୁଚି ଆମର ।
ଏ ଆଳୁ-ପିଆଜ ଚାଷ ପ୍ରୋତ୍ସାହନ ଦେଉ ଆମ ସରକାର,
ସଂରକ୍ଷଣ ପାଇଁ ବ୍ଲକ୍ ରେ ଗୋଟେ ଖୋଲୁ ଶୀତଳଭଣ୍ଡାର,
ତେବେରେ ଦେଖିବୁ ଏ ସଂକଟ ଗୋଟି
ହେବ ସେ କେମିତି ଦୂର ।
ହେଉ ସଚେତନ ଯେତେ ରହିଚନ୍ତି ଓଡ଼ିଶାର ଚାଷୀଭାଇ,
ବାଡ଼ିରେ ପରିବା ହାଟ ସେ କରନ୍ତୁ, ବଜାର ହାଟ ନଯାଇ,
ଏ ପିଆଜ-ଆଳୁ ହେବନି ସମସ୍ୟା
ଦେଖିବୁ କଳାଠାକୁର ।
ଗ୍ରା.-ମିତ୍ରସେନପୁର, ପୋ.ଅ.-ଗମୁଁ
ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪
ଫୋନ୍-୯୮୫୩୭୫୯୭୦୦
*****