ଅସମ୍ଭବ ପ୍ରଶ୍ନ

କେଉଁ ଜନ୍ମର ପାପ ମୁଁ ଭୋଗୁଛି

ଏଇ ଜନ୍ମର କି ପୂର୍ବ ଜନ୍ମର

ନା, ଆଉ କା ପାପର ପ୍ରାୟଶ୍ଚିତ୍ତ କରେ

ଶୈଶବରୁ ଆଜି ଏ ଦୁନିଆର ?

ନିଷ୍ପାପ ଶିଶୁ ମୁଁ ପଚାରୁଛି ପ୍ରଭୁ

ଏ ଅସହ୍ଯ ବେଦନା କେଉଁ କାର୍ଯ୍ୟର

ଶିଶୁ ଟିଏ ହୋଇ ଜନମିବା କଣ

ବଡ ଅପରାଧ ହେଲାକି ମୋର?

ଶିଶୁଟି ତୋହର ପ୍ରତିରୂପ ବୋଲି

ସମସ୍ତେ କୁହନ୍ତି ସମାଜେ ଏଠି

ଠିକଣା ତୋହର ପଚାରିଲେ ପ୍ରଭୁ

କେହି ଦିଅନ୍ତିନି ଉତ୍ତର କିଛି ।

ମୁଁ କଣ ପ୍ରଭୁ ସେ ଶିଶୁ ନୁହେଁ

ଯେ ଶିଶୁ ହୃଦୟେ ତୁ ରହିଥାଉ

ଦୁଃଖ ନାହିଁ ମୋର ପ୍ରଭୁ, କାରଣ

ଏତିକି ଜାଣିଛି ତୋତେ ଖୋଜି ଖୋଜି

ତୋତେ ଡାକି ଡାକି ଏ ପରାଣ ଯାଉ ।