ମଧ୍ୟବିନ୍ଦୁ [ madhyabindu]
ମଧ୍ୟବିନ୍ଦୁ [ madhyabindu]
1 min
13.2K
ମଧ୍ୟବିନ୍ଦୁ
ନ ଆ' ଅତି ପାଶେ ସଥୀ ନ ଯା' ଅତି ଦୂରେ
ମଧ୍ୟବିନ୍ଦୁଠାରେ ରହି ଚାହାଁ ଥରେ ଥରେ | -୧-
ଅତି ପାଶେ ଆସିଲେ ତୁ ହୋଇଯିବି ସାକ୍ଷୀ
ଦେଖି ପାରିବିନି ତୋର ରୂପ ମନ ଲାଖି | -୨-
ଅତି ଦୂରେ ଗଲେ ଚାଲି ନ ପାଇବ ଆଖି
କେତେ ଅଛି ଶକତି ମୋ' ପାରିବି ନିରେଖି | -୩-
ଚାରି ପାଶେ ମୋର ଖାଲି ନଗ୍ନ ଅନ୍ଧକାର
ଧୂଆଁ ଧୂଆଁ ଦିଶେ ସବୁ ଭଙ୍ଗୁର ସଂସାର | -୪-
କଳ୍ପନାରେ ଉଡ଼ିବୁଲେ ତୋତେ ଖୋଜିବାକୁ
ମରୀଚିକା ପରି ଯାଉ ଦୂରକୁ ଦୂରକୁ | -୫-
ଦୂର ଆକାଶରୁ ଶୁଭେ ନିଷ୍ଫଳ ଆଳାପ
ଶ୍ରବଣରେ ବାଜେ ନିଜ ଅବିଦ୍ୟା ସଂଳାପ | -୬-
ତେଣୁ ଆଗୋ ସାଥୀ ନ ଥା ନିକଟେ କି ଦୂରେ
ମଧ୍ୟବିନ୍ଦୁଠାରେ ରହି ଚାହାଁ ଥରେ ଥରେ | -୭-
ମଞ୍ଜୁବାଳା କବି