ରତ୍ନାକର ଚମ୍ପୂ (ଜ)
ରତ୍ନାକର ଚମ୍ପୂ (ଜ)
ରତ୍ନାକର ଚମ୍ପୂ
(ଚୌପଦୀ ରତ୍ନାକର)
(8)
ସଖୀ
ରାଗ - ମୁଖାବରୀ -ଏକତାଳି
ଜାଣିବୁ ରେ ଦେଖି, ଦମ୍ଭେ ହାଣିବୁ ରେ (ଘୋଷା)
ଜବାଜିତ ଅଧରୀ- ଅଭିସାରକୁ କରି
ମଦନେ ମତ କରିରାଜ ଗମନ ହରି(1)
ଜଳଜ ରମ୍ୟ ମୁଖୀ - ସ୍ମିତଅଧରେ ରଖି
ଭୂରୁ ଚାପରେ ସଖି ନେତ୍ରାନ୍ତ ଶର ଯୋଖି (2)
ଜୀବେଶ ଅଙ୍କେ ଜଡି - ତୋର ଶ୍ରୀହସ୍ତ ଚୁଡି
ବସିବା ପରି ବୁଡି - ନିବିଡ ବନ୍ଧେ ଭିଡି (3)
ଯ଼ତନେ ନାସାମଣି - ତୁଲେ ନଚାଇ ବେଣୀ
କୁସୁମ ଧନୁ ପାଣି -ଭଣ୍ଡାରୁ ରସ ଛାଣି (4)
ଜଗଦେବ ଯେ ଭାଷି- ଭଲେ ତନୁରେ ମିଶି
ସଖି ତୁ ଆଜ ନିଶି - ନବ ସୁରତେ ରସି (5)