ଆସ ସାବଧାନ ହେବା

ଥିଲା ପରିବେଶ କେଡେ ସୁନ୍ଦର ।

ସବୁଜ ଶୀତଳ ସୁମନୋହର ।।

ଗଛ ଡା଼ଳେ ବସି ବିହଙ୍ଗମାନେ ।

ଗାଉଥିଲେ ଗୀତ ଆନନ୍ଦ ମନେ ।।

ଜଙ୍ଗଲରେ ଥିଲେ ଅନେକ ପଶୁ ।

ଜଗୁଥିଲେ ଆମ ପରିବେଶକୁ ।।

 ଶିକାର କରିଲେ ଶିକାରୀ ଭାଇ ।

ଜଙ୍ଗଲରେ ପଶୁ ରହିବେ କାହିଁ ?

ନେଇଗଲେ ମାଂସ ଚମଡା ହାଡ ।

ଦୂର ଦେଶେ କଲେ ଭଲ ବେପାର ।।

କାଟି ନେଇଗଲେ ସମସ୍ତ ଗଛ ।

ପରିବେଶ ଏବେ ହେଲା ଦୂଷିତ ।।

ଗଢି କାରଖାନା ଚଢିଲେ ଗାଡ଼ି ।

ବାହାରିଲା ଏବେ ଅନେକ ଧୂଳି ।।

ପାଦପ ନାହିଁ କି ବିପିନ ନାହିଁ ।

ପବନ ଜୀବନ ମିଳିବ କାହିଁ ?

ଆସ ସାବଧାନ ସଭିଏଁ ହେବା ।

ଆମ ପରିବେଶକୁ ସ୍ୱଚ୍ଛ ରଖିବା ।।