ଚରିତ୍ର ଯାଉଛି ମରି
ଚରିତ୍ର ଯାଉଛି ମରି
ଚରିତ୍ର ଯାଉଛି ମରି
ରାଜେଶ କୁମାର ଜୈନ୍ (ଶାନ୍ତିରାଜେଶ)
ଚରିତ୍ର ଯାଉଛି ମରି
ରୋଗର ଜୀବାଣୁ ଭୟଙ୍କରୀ
ପ୍ରଜାଗଣେ ଶୋକର ଲହରି
ମଜଭୁତ ସିଲେଇ ଜରୁରୀ ।
ରିପୋର୍ଟ ଅତି ଦରକାରୀ
ବୈଠକ ବସିଛି ମିଳିତ ସବୁରି
ବକ୍ତାମାନେ ଫୁଙ୍କୁଛନ୍ତି ତୂରୀ
ଚରିତ୍ର ଚିତ୍ରଣ ମଜବୁରି ।
ସରକାର ନାମ କଲେ ଜାରି
ପାଞ୍ଚଜଣିଆ କମିଟି କରିବ ଇନକ୍ଵାରୀ
ନେତା, ପୋଲିସ୍, ଅଫିସର
ବେସରକାରୀ ବାବା ଆଉ ଡାକ୍ତର ।
ଛୁଞ୍ଚି କରଇ ଡାମ୍ଫଣର ଗୁଣଗାନ
ହସୁଥାଏ ଦେଖି ଚାଲୁଣିର ମନ
ବୈଷ୍ଣବ ବିରାଡ଼ି କାନ୍ଦଣା ନୟନ
ଗଙ୍ଗାଜଳେ ବୁଡ଼ି ସବୁ ମହାନ ।
ଗଡ଼ିଆ ଦେଖେଇ ନଈ ଶୋଷି
ସିଂହାସନ ବଳେ ସବୁ ଚଷି
ଧର୍ମ ନାଆଁରେ ସବୁ ପେଷି
ନିରୀହ ବେକେ ଲଗା ରଶି ।
ପରନାରୀ, ପରଧନରେ ମନ
ବଡ଼ ଅଟ୍ଟାଳିକା, ଚାରିଚକା ଯାନ
ସ୍ୱାର୍ଥ, ହିଂସାର ରଖଇ ମାନ
ସେହି ଜୀବଟି ଚରିତ୍ରବାନ ।
ଏ ସାଗରେ ସବୁ ଲଙ୍ଗଳା
କିଏ ପାଇପ୍ ତ କିଏ ନଳା
ଗରିବ ମାଇପ ସଭିଙ୍କ ଗେହ୍ଲା
ଚରିତ୍ର ଘର ପୂରା ମେଲା ।
ଅପର୍ଣ୍ଣା ନଗର, ଚାଉଳିଆଗଞ୍ଜ, କଟକ-୭୫୩୦୦୪
ଫୋନ୍ : ୯୪୩୭୦୨୦୬୧୮
*****