ଏତେ କଥା ତା'ର ମନେଥିଲା

ବକଟେ ପିଲା,ସେ ଏ କି କଲା-

ଏତେ କଥା ତା'ର ମନେ ଥିଲା ,

ସାଥୀ ମେଳେ ସେ ତ ଲୁଚି-ଛପି ଆସି

ମୋ-ଲହୁଣୀ ମାଠିଆ ଭାଙ୍ଗିଦେଲା ।(୦)

ହେଇ ଧର ଧର ଚୋର ବୋଲି -

ଯେବେ-ମୁଁ ଉଚ୍ଚରେ ପାଟି କଲି ,

ଓଢ଼ଣୀକୁ ମୋର ଟାଣି ଗଲା ଚାଲି

ଲେଉଟି ପୁଣି ଖତେଇ ହେଲା ।(୧)

ମୋ-ଲହୁଣୀ ମାଠିଆ ଭାଙ୍ଗି ଦେଲା..

ବକଟେ ପିଲା, ସେ ଏ କି କଲା-

ଏତେ କଥା ତା'ର ମନେ ଥିଲା ,

ସାଥୀ ମେଳେ ସେ ତ ଲୁଚି-ଛପି ଆସି

ମୋ-ଲହୁଣୀ ମାଠିଆ ଭାଙ୍ଗିଦେଲା ।

ଏଡ଼ିକି ବକଟେ ପିଲା ସିଏ-

ଆକଟ କରିବ ତାକୁ କିଏ !

ଯଶୋଦା ଆଗରେ କହିଲା ତ ଯିଏ

ମହତ ତାହାର ସାରିଦେଲା ।(୨)

ମୋ-ଲହୁଣୀ ମାଠିଆ ଭାଙ୍ଗିଦେଲା ।

ବକଟେ ପିଲା ସେ ଏ କି କଲା -

ଏତେ କଥା ତା'ର ମନେ ଥିଲା ,

ସାଥୀ ମେଳେ ସେ ତ ଲୁଚି-ଛପି ଆସି

ମୋ-ଲହୁଣୀ ମାଠିଆ ଭାଙ୍ଗିଦେଲା ।

ବକଟେ ପିଲା ,ସେ ଏ କି କଲା....

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ ।