Audio

Forum

Read

Contests

Language


Write

Sign in
Wohoo!,
Dear user,
ଏନ୍ତୁଡ଼ି କବିତାର
ଏନ୍ତୁଡ଼ି କବିତାର
★★★★★

© Ajaya Mahala

Fantasy

1 Minutes   6.5K    5


Content Ranking

କେମିତି ଦିଶୁଥିବ ତୁମ ରୂପ

ଯେତେବେଳେ ଏତେ ଏତେ

ସୁନ୍ଦର କବିତା ଲେଖ ତୁମେ

କି ଭଙ୍ଗୀରେ ବସ ତୁମେ

କି ଆଭା ପ୍ରକଟିତ ହେଉଥାଏ

ତୁମ ପ୍ରଜ୍ଞାଦୀପ୍ତ ମୁଖମଣ୍ଡଳରେ

ଝାଳେଇ ଯାଇଥାଅ

ତୁମେ ବୈଶାଖର

ଜଳପୂର୍ଣ୍ଣ ମାଠିଆ ପରି

କିମ୍ବା ଅବନତ ହୋଇଯାଇଥାଏ

ତୁମ ମଥା

ମେଘଭାରାକ୍ରାନ୍ତ ଆକାଶପରି

କିପରି ତୁମେ ଅଣ୍ଟା ବଙ୍କେଇ

ଛିଡା ହୋଇଥିବ

ଆସନ୍ନପ୍ରସବା ମୃଗୁଣୀର

ପୀଡା ନେଇ

କଳ୍ପନା ମେରୁର

ନିରାମୟ ତୃଣଭୂମିରେ

କେମିତି ତୁମର ପତଳା ଆଖିପତା

ପେଲି ଧରିଥିବ

ବୟସୀ ରାତିର ଅନ୍ଧାରକୁ

ଆଉ ଅନିଦ୍ରାକୁ

ସବୁ ପୀଡା ସରିଗଲା ପରେ

କେମିତି ସସ୍ନେହ ଚାଟୁଥିବ

କବିତାର ସେ ମୃଗଶାବକକୁ

ଉନ୍ମୁକ୍ତ ହସ ହସୁଥିବ

ଡେଙ୍ଗା ନୀଳଗିରି ଗଛପରି

ଆକାଶକୁ ଚାହିଁ

କେମିତି ରାତି ହସି ହସି

ଘୋଡାଇ ଦେଉଥିବ ଚାଦର

ତୁମ ଥକିଲା ଦେହରେ


ତୁମେ ମୃଗଶାବକ ଉନ୍ମୁକ୍ତ

Rate the content


Originality
Flow
Language
Cover design

Comments

Post


Some text some message..