ଆଖିହଜା ସେଇ ନୀଳ ଗଗନରେ
ଆଖିହଜା ସେଇ ନୀଳ ଗଗନରେ
ଆଖିହଜା ସେଇ ନୀଳ ଗଗନରେ
ଆଭାକାନ୍ତ ମହାନ୍ତି
ଆଖିହଜା ସେଇ ନୀଳ ଗଗନରେ
ହଜିବି ଦିନେ ମୁଁ ଯାଇ,
ପୁଣି ଲେଉଟିବି ଧରାତଳେ ନିଶ୍ଚେ
ଅମୃତ ବିନ୍ଦୁଟେ ହୋଇ । ୦ ।
ଯୁଗର ଆୟୁଷ ବଢ଼ିଯାଇଥିବ,
ନୂଆ ରୂପରଙ୍ଗେ କଦର୍ଥନ ଥିବ,
ଭୁଲିଯାଇଥିବି ଆଜିର ଘଟଣା,
ନୂତନେ ହୋଇବ ମୋ ଜୀବନ ଟଣା,
ଆଜି ଯେତେ ପ୍ରିୟ ହୋଇବେ ଅଜଣା;
ଜୀବନର ଚକ୍ର ଏଇ । ୧ ।
ମନୁଷ୍ୟବନରୁ ଖୋଜା ମନୁଷ୍ୟତା,
ଆଜିରେ ହୋଇଛି ଆଚାର ସଂହିତା,
ସ୍ୱାର୍ଥ-ବତି-ତେଜା ସଳିତା ଜଳୁଛି,
ସମ୍ପର୍କେ ସନ୍ଦେହ ସଦା କୁହୁଳୁଛି,
ପାଖରେ ଥାଇ ବି ଚିଜ ନ ମିଳୁଛି,
ଅନ୍ୟ ଦୋଷ ଚମକାଇ । ୨ ।
ନୂଆସାହି, ବିଡ଼ାନାସୀ
କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****