ଶୂନ୍ୟବ୍ରହ୍ମ
ଶୂନ୍ୟବ୍ରହ୍ମ
1 min
6.9K
ବଚନ ତୁମର ଜୀବନ ତୁମର
ଏମନ,କରମ ତୁମରି ଲାଗି
ଅର୍ପଣ କରିଛି ପ୍ରଭୁପ୍ରଭୁ ଡାକି
ତୋ ସିଂହଦୁଆରେ ହେବାକୁ ଯୋଗି ॥
ଯୋଗି,ବଇରାଗି,ତ୍ୟାଗି,ଅନୁରାଗି
ରୋଗି,ଭୋଗିଆଦି ଯେତେ ଭକତେ
ତୋର ଦରଶନେ ଚତୁରାକ୍ଷ ମିଳନେ
ଦିବ୍ୟାନନ୍ଦ ଲଭେ ନିମିଷେ ଚିତ୍ତେ ॥
ଦିବ୍ୟନାମ ଦିବାନିଶି ଭଜିଭଜି
ବଡଦାଣ୍ଡେ ଯିବି ନୀଦରେ ଶୋଇ
ଭୋକ,ଉପାସରେ ଭକତ ମେଳରେ
ପ୍ରାଣଗଲେ ଯିବି ଧନ୍ୟ ମୁଁ ହୋଇ ॥
ଅନ୍ୟଗତି ମୋର ତୋ ବିହୁନେ ନାହିଁ
ଶୂନ୍ୟବ୍ରହ୍ମ ତ୍ରିପୁରେ କାଳେକାଳେ
ଅଦୃଶ୍ୟପୟରେ ମହାଶୂନ୍ୟପରେ
ଜଗିବସିଅଛି ସଂଜସକାଳେ ॥
ଶରତ ଚନ୍ଦ୍ର ଜାଲି
ତା;୨୪/୭/୧୮