ଆଠ ଡିସେମ୍ବର-ଦୁଖଦ ମୁହୂର୍ତ୍ତ

ଶୀତ ସକାଳରେ ଅଦିନ ବରଷା କାହୁଁ ବରଷିଲା ଆସି

ଆଠ ଡିସେମ୍ବର୍ ଓଡିଶା ବାସୀଙ୍କ ମେରୁଦଣ୍ଡ ଦେଲା କସି ।

ଲକ୍ଷ୍ମୀ ଠାକୁରାଣୀ ଶୋଭା ପାଉଥିଲେ କାହୁଁ ଅଲକ୍ଷ୍ମୀ ଆସିଲା

ସୁନା ଶୀରି ପରି ପାଚିଲା ଧାନର ଅଣ୍ଟା କିଏ ଭାଂଗି ଦେଲା ।

ଓଡ ଦେଶ ଏତ ଓଡିଶା ପ୍ରଦେଶ ଚାଷ  ଏଠିକାର ଧନ୍ଦା

ଚାଷ ଉଜୁଡିଲେ ବରଷକ ଯାଏ ଚାଷୀଘର ହୁଏ ମାନ୍ଦା ।

ସରକାର ସାଜେ ସହଜେ ଭଗାରୀ ସହାୟକ ମୂଲ୍ୟ ନାହିଁ

ଅନ୍ନଦାତା ଯଦି ନିରନ୍ନ ରହିବ ଭୋଜନ ମିଳିବ କାହିଁ !

ଜୟ ଜବାନ୍ ଜୟ କିଶାନ୍ ଡାକରା ଡାକରାରେ ରହି ଗଲା

ମଧ୍ୟସ୍ଥ ଦଲାଲ ଧନୀକ ହୁଅଇ ଚାଷୀର କିଲାଭ ହେଲା !

ଧାନ ମୁଗ ବିରି କୋବି କି ବାଦାମ ସବୁ ମାଟିରେ ମିଶିଲା

ଅଦିନ ବରଷା ଚାଷୀ ମେରୁଦଣ୍ଡ ଭାଙ୍ଗି କିଲାଭ ପାଇଲା !

ଲାଗୁଛି ବରଷ ସରିବା ପୂରବୁ ବରଷା ଆସିଛି ଧାଇଁ

ଆଧାର ସଂଯୋଗ କରିବ ନହେଲେ ବରଷି ପାରିବ ନାହିଁ ।

ସହଜେତ ମହାନଦୀ ପାଣି ପାଇଁ ଛତିଶଗଡର ରୋଷ

ମହାନଦୀ ଝର ଶୁଖିଗଲେ ଅବା ଓଡିଆ ପିଇବ ବିଷ ।

ଜାଗରେ ଜାଗରେ ଶୁପ୍ତ ଓଡିଆ ଲଢେଇ ଜଦି ନକର

ଶୁଷ୍କ ମହାନଦୀ ପଠାରେ କରିବ ରହିବା ପାଇଁକି ଘର ।