ଜୀବନ ଗୀତା-୨୯୨
ଜୀବନ ଗୀତା-୨୯୨
ଜୀବନର ଅଙ୍ଗେନିଭା କଥା
ପରୀ କାହାଣୀଠୁଁ ବି ସୁନ୍ଦର
ଚାନ୍ଦ ତୋଳି ପାରେନାହିଁ ସିନା
ମାଟି ପାଣିରେ ଗଢା ଶରୀର ॥୦॥
ଖଣ୍ଡାର ଧାରରେ ଚାଲୁଚାଲୁ
କେବେ ପାଇଯାଏ ଫୁଲଟିଏ
ଫୁଲଟିକୁ ଟିକେ ଛୁଉଁଛୁଉଁ
କେତ କଣ୍ଟା ହାତେ ଫୁଟିଯାଏ
ଲହୁ ଲୁହାଣ ଜୀବନ କଥା
ଅଟେ ସେତ ଭଙ୍ଗା ହୃଦୟର ॥୧॥
ପ୍ରେମର ବାଜିରେ ହାରୁହାରୁ
କେବେପୁଣି ସିଏ ଜିତିଯାଏ
ଉପହାର ପାଇଁ ବୁଲ୍ବୁଲ୍
ପ୍ରେମିକ ଟିକୁ ବଚନ ଦିଏ
ସାଦା ଗୋଲାପ ରଙ୍ଗାଇବାକୁ
ବୁହାଇ ଦିଏ ରକ୍ତର ଝର ॥୨॥