Audio

Forum

Read

Contests

Language


Write

Sign in
Wohoo!,
Dear user,
ଦୂରତା  ସେଦିନ ବି ଥିଲା
ଦୂରତା ସେଦିନ ବି ଥିଲା
★★★★★

© Neelima Nivedita Behera

Others

1 Minutes   6.8K    7


Content Ranking

ଦୂରତା ତ ସେଦିନ ବି ଥିଲା

ତୁମ ମୋ ଭିତରେ;

ତୂଳି ଧରି ତୁମେ ଧୂରୀଣ ଚିତ୍ରକରଟିଏ ପାଲଟିଲାବେଳେ

ନିରୁତା ପ୍ରେମିକା ସାଜି

ବଞ୍ଚୁଥିଲି ମୁଁ ତୁମ ହାତଅଙ୍କା ପ୍ରତ୍ୟକଟି ଚିତ୍ରରେ...

ଦୂରତା ତ ସେଦିନ ବି ଥିଲା

ତୁମ ମୋ ଭିତରେ;

ଚାହାଣୀରେ ମୋତେ ତୁମେ ବାରବାର କ୍ଷତାକ୍ତ କଲାବେଳେ

ନିଶବ୍ଦ ପ୍ରେମିକା ସାଜି

ପିଉଥିଲି ମୁଁ ଲୁହ ସବୁକୁ ଚୁପଚାପ ନୀରବରେ...

ଦୂରତା ତ ସେଦିନ ବି ଥିଲା

ତୁମ ମୋ ଭିତରେ;

ହିସାବ ପରିଧିକୁ ଛୁଇଁ ତୁମେ ଅଚୁକ ବନ୍ଧୁଟିଏ ହେଲାବେଳେ

ବେହିସାବୀ ପ୍ରେମିକା ସାଜି

ଛୁଇଁ ଚାଲିଥିଲି ମଳୟକୁ ମୁଁ ବିନା ବସନ୍ତ ଋତୁରେ...

ଦୂରତା ତ ସେଦିନ ବି ଥିଲା

ତୁମ ମୋ ଭିତରେ;

ସାମାଜିକ ପ୍ରତିବଦ୍ଧତାରେ ତୁମେ ପେଶି ହେଉଥିଲା ବେଳେ

ବେଫିକର ପ୍ରେମିକା ସାଜି

ଶବ୍ଦ ଇମାରତମାନ ଗଢି ଚାଲିଥିଲି ବିନା ବ୍ରେକରେ...

ଦୂରତା ତ ସେଦିନ ବି ଥିଲା

ତୁମ ମୋ ଭିତରେ;

ସଂସାର ସୀମାକୁ ସହଜେ ତୁମେ ଡେଇଁ ପାରୁନଥିବା ବେଳେ

ପାଗଳିନୀ ପ୍ରେମିକା ସାଜି

ଜିଇଁ ଚାଲିଥିଲି କଳ୍ପିତ ଜୀବନ ମୁଁ ସ୍ଵପ୍ନରେ ସ୍ଵପ୍ନରେ...

ଦୂରତା ସେଦିନ ବି ଥିଲା...ଆଜି ବି ଅଛି....

ନୂଆ କଥାଟା କ'ଣ ହେଲା ଯେ ?

ଦୂରେଇ ଗଲ ତୁମେ ଆଉଥରେ

ଇତିହାସକୁ ଦୋହରାଇ

ଭିଜୁଥିଲି ମୁଁ ପୁଣିଥରେ ପ୍ରେମିକା ସାଜି ନିଜପଣରେ...

ଏଇଆ ତ !!! 

ଦୂରତା ଚିତ୍ର ପ୍ରେମିକା

Rate the content


Originality
Flow
Language
Cover design

Comments

Post


Some text some message..