Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prasanna Kumar Madala

Others

3  

Prasanna Kumar Madala

Others

ମାଆର ବେଦନା

ମାଆର ବେଦନା

1 min
6.7K


ମାଆ ମାଆ ବୋଲି ଅନ୍ତର ନ ଖୋଲି

ତୁଚ୍ଛାରେ ଆଣିଲୁ ଡାକି

ଦେଖିଲି ଲୋଚନେ ବାସନା ମୋଚନେ

ଯାଉଛୁ ମଦିରା ଚାଖି ।

କୁସଙ୍ଗରେ ମାତି ଯେବେ ଦିନରାତି

ବଢ଼ାଇଲୁ ପାପଭାର

ଦୈତ୍ୟର ସମାନ ମାଂସାହାରେ ଧ୍ୟାନ

ରଖିଅଛୁ ବାରମ୍ବାର ।

ନକରି ବିଚାର ଯେତେ ବ୍ୟଭିଚାର

ସାଥେ କଲୁ ଅପକର୍ମ

ସବୁ ବୁଝିଶୁଝି କାହା ତୁଲେ ଯୁଝି

ସ୍ଥାପନ କରିବୁ ଧର୍ମ ?

କିବା ଆଉ ରଣେ ନିଜ ପୁତ୍ର ଗଣେ

କରନ୍ତି ଶସ୍ତ୍ର ପ୍ରହାର

ସବୁଠି ମାନବ ସାଜିଛି ଦାନବ

କେମନ୍ତେ ହେବ ସଂହାର ?

ମଣିଷ ଧରମ ନାହିଁ ମୋ ମରମ

ସହୁଛି ବେଦନା ଭାରା

ସନ୍ତାନର ହିତେ ଚିନ୍ତା କଲେ ଚିତ୍ତେ

ବହଇ ଲୋତକ ଧାରା ।

ବିଚାରି ମୁଁ ନିଜେ କରିଥିଲି ବିଜେ

ଦେଖିବାକୁ ତୁମ ସୁଖ

ଚାରିଆଡେ ଅତି ବିନାଶର ଗତି

ଜାଣନ୍ତେ ଉଦାସ ମୁଖ ।

କି ଆତଙ୍କବାଦୀ ଅବା ମାଓବାଦୀ

ସେ କି ନୁହେଁ ପୁତ୍ର ମୋର

ନଶୁଣି ବାରଣ ଖୋଜୁଛୁ କାରଣ

ଏହି ତ ବିପତ୍ତି ଘୋର ।

ହିଂସା ଆଚରଣ କଲେ ନିବାରଣ

ମମତାରେ ଭରି ଛାତି

ସ୍ଵାର୍ଥ ଦେଇ ବଳି ପ୍ରୀତି ଭାବେ ଚଳି

ପାରିବୁ ରଖି ତୋ ଜାତି ।

ଜାଗି ଉଠ ଯୁବା ହୋଇଛି ମୁଁ ଉଭା

କରୁ କିମ୍ପା ଆଉ ଭୟ

ସଭିଙ୍କୁ ଯୋଡ଼ାଇ ରଖିବି ଘୋଡ଼ାଇ

ଲଭିବୁ ସର୍ବତ୍ର ଜୟ ।

ନାହିଁ ମୋର ପଣ କରିବାକୁ ରଣ

ଆନମନା ହୋଇ ପୁଣି

ଶାନ୍ତିର ଦେଶରେ ଜନନୀ ବେଶରେ

ରହିବି ଗୁହାରି ଶୁଣି ।

ପ୍ରସନ୍ନ କୁମାର ମାଦଳା


Rate this content
Log in