ଜୀବନ୍ତ ଦେବୀ
ଜୀବନ୍ତ ଦେବୀ
ମାଆ ଅଟେ ପରା ମମତା ମନ୍ଦିର
ତା ପଣତେ ବନ୍ଧା ସାରା ସଂସାର
ତାର ସ୍ନେହ ଭୁଲି ମଣିଷ ଖୋଜୁଛି
ଇଟା, ପଥରରେ ଗଢ଼ା ହୋଇଥିବା
ଅଢେଇଦିନିଆ ସ୍ବର୍ଣ୍ଣ କୁଟୀର ।
ହେଇ ପାରିବକି ସେ ସ୍ୱର୍ଣ୍ଣ କୁଟୀର
ମାଆର ପଣତ ପରି କୋମଳ
କିବା ଥିବ ସେଠି ନରମ ,ମଧୁର
ବାଦ୍ୟଯନ୍ତ୍ର ପରି ସେନେହରେ ଭରା
ମାଆ କଣ୍ଠ ସ୍ୱର ଆଉ ଝଙ୍କାର ।
ଥିବ ସିନା ତୁମ ପ୍ରାଚୁର୍ଯ୍ୟ କାନ୍ଥରେ
ଭଳି ଭଳି ଚିତ୍ରପଟ କାହାର
ପାଇବନି କିନ୍ତୁ ମାଆ ମୁହଁ ପରି
ସୁନ୍ଦର ,ପବିତ୍ର ,ଚାରୁଚିତ୍ର ଭରା
ନିଷ୍କପଟ ଏକ ଅଙ୍ଗନାବର ।
ପୂଜୁଥାଇପାର ଦୁର୍ଗା,ଉମା,କାଳୀ
ଯାଉଥାଅ ଯେତେ ତୀର୍ଥ ମନ୍ଦିର
ମାଆ ଠାରୁ ବଡ ଜୀବନ୍ତ ଦେବୀଙ୍କୁ
ଖୋଜିଲେ ବି କେବେ ପାଇବନି ମର୍ତ୍ତେ
ନିରାଟ ସତ୍ୟ ଏ ବେଦର ଗାର ।