ହେ ସୁଖ ! ହେ ସୌଖ୍ୟ !!
ହେ ସୁଖ ! ହେ ସୌଖ୍ୟ !!
ହେ ସୁଖ !
ହେ ସୌଖ୍ୟ !!
କରିହେବନି ତୁମର କ୍ରୟ ବିକ୍ରୟ,
ତୁମେ ସଦା ରୁହ ଜୀବନରେ ସକ୍ରିୟ !!
ଏତେ କଣ ତୁମେ ରାଗିଗଲ,
କେଉଁଠି ତୁମେ ଯେ ହଜିଗଲ,
ସମସ୍ତଙ୍କୁ ନିଃସହାୟ କରିଦେଲ,
ଜନମାନସରୁ ଶାନ୍ତି ହରେଇଦେଲ |୧|
ତୁମ ମୂଲ୍ୟ ଆମକୁ ଜଣେଇଦେଲ,
ପୁନଃ ସଂସାରରେ ହସି ହସି ବୁଲ,
ସର୍ବଜନଙ୍କୁ ଏବେ କ୍ଷମା କରିଚାଲ,
ଆଉ ଆମ ସମସ୍ତଙ୍କୁ ଖୁସି ଦେଇଚାଲ |୨|
ଏମିତି କି ପ୍ରକାର ଚକ୍ରବ୍ୟୂହ ରଚିଦେଲ,
ଯେ ପ୍ରତି ବ୍ୟକ୍ତିକୁ ଅଭିମନ୍ୟୁ କରିଦେଲ,
ଅର୍ଥବ୍ୟବସ୍ଥାକୁ ଅସ୍ଥିର ଆହତ କରିଦେଲ,
ଜୀବନ ସୁରକ୍ଷା ପ୍ରତି ଚିନ୍ତାଗ୍ରସ୍ତ କରିଦେଲ |୩|
ସୌଖ୍ୟ ଖୋଜି ଖୋଜି ହରେଇ ସାରିଲୁଣି ଅସଲ ସୁଖ,
ଦୈନନ୍ଦିନ କାର୍ଯ୍ୟକଳାପରୁ ମିଳିବ କେବଳ ପରମ ସୁଖ,
ଆଉ କୌଣସି ଛୋଟ କଥାରେ ଲାଗିବନି ଆମକୁ ଦୁଃଖ,
ସ୍ୱାଭାବିକ ଜୀବନ କରୁ ପୁନଃ ଆମ ସମକ୍ଷରେ ଅଭିମୁଖ |୪|
ହେ ସୁଖ !
ହେ ସୌଖ୍ୟ !!
ଆଉ ରୁଷ୍ଟ ନ ରହ,
ଦିଅ ନିଜର ଅନୁଗ୍ରହ !!