ତୁମରି ପାଇଁ ମୁଁ କବିତା ଲେଖୁଛି
ତୁମରି ପାଇଁ ମୁଁ କବିତା ଲେଖୁଛି
ତୁମରି ପାଇଁ ମୁଁ କବିତା ଲେଖୁଛି
ଆଭାକାନ୍ତ ମହାନ୍ତି
ତୁମରି ପାଇଁ ମୁଁ କବିତା ଲେଖୁଛି
ଲେଖି ରଖୁଅଛି ଚିଠି
ହେ ମୋର ଆଗାମୀ ପ୍ରାଣର ଚକୋରୀ
କୁହ ଗୋ ତୁମେ କେଉଁଠି ? । ୦ ।
ଡାଇରୀ ସରିଲା କବିତାରେ ଖାଲି
ଚିଠି ହୋଇଲାଣି ନଥି
ଠିକଣା ପାଉନି ପଠାଇବା ପାଇଁ
ଯାଇ ଶୁଣାଇବି ଗୀତି
ମନ-ଆଇନାରେ ତେବେ ବି ତୁମକୁ
ଦେଖୁଅଛି ମୁଁ ସବୁଠି । ୧ ।
ଡାକଘରେ ଦିନେ ତୁମ ଠିକଣାଟା
ପଚାରିଲି ଯାଇ ମୁହିଁ
ଶେଷେ ବୁଝିପାରି ସେଦିନ ସଭିଏଁ
ହସିଦେଲେ ମୋତେ ଚାହିଁ
ନିରାଶା ସେଦିନ ହେଲେ ବି ଭାବୁଛି
ପାଇବି ସେ ଠିକଣାଟି । ୨ ।
ନୂଆସାହି, ବିଡ଼ାନାସୀ
କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****