ଆସ ସଅଳ

ଆସ ଜଗନ୍ନାଥ, ଆସ ସଅଳ...

ଉଛୁର ହେଲାଣି ,ଏବେ-

ଭାଙ୍ଗ ଗହଳ ।

ଆସ ସଅଳ....(୦)

ବଡ଼ ଦେଉଳର ମୋହ ,

ପାସୋରି ଦେଲ କି କୁହ !

ଦିଶେ କିବା ଲକ୍ଷ୍ମୀମୁହଁ ,

ମେଘ ବହଳ ।(୧)

ଆସ ସଅଳ....

ଆସ ଜଗନ୍ନାଥ ,ଆସ ସଅଳ...

ଉଛୁର ହେଲାଣି,ଏବେ-

ଭାଙ୍ଗ ଗହଳ ।

ଛପନ ଭୋଗ ସୁଆଦ ,

ମଧୁର ଗୀତଗୋବିନ୍ଦ !

ଭୁଲିଗଲ କି ଯା' ଲାଗି ,

ହୁଅ ବିହ୍ଵଳ ।(୨)

ଆସ ସଅଳ....

ଆସ ଜଗନ୍ନାଥ, ଆସ ସଅଳ...

ଉଛୁର ହେଲାଣି,ଏବେ-

ଭାଙ୍ଗ ଗହଳ ।

ତୁମବିନା ଏଠି ପ୍ରଭୁ ,

ଶିରିଛଡ଼ା ଲାଗେ ସବୁ !

ଖାଆଁ ଖାଆଁ ଗୋଡ଼ଉଛି ,

ବଡ଼ ଦେଉଳ ।(୩)

ଆସ ସଅଳ....

ଆସ ଜଗନ୍ନାଥ ,ଆସ ସଅଳ...

ଉଛୁର ହେଲାଣି,ଏବେ-

ଭାଙ୍ଗ ଗହଳ ।

ଆସ ସଅଳ ।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ ।