ମୁକ୍ତିପଥର ଯାତ୍ରୀ
ମୁକ୍ତିପଥର ଯାତ୍ରୀ
ମୁକ୍ତି ପଥର ଯାତ୍ରୀ-ମୁଁ ଏବେ
ମୁକ୍ତି ପଥର ଯାତ୍ରୀ ,
ଯୁକ୍ତି କରିକି ତୃପ୍ତି ଚାହେଁନା
କର ତଵ କୃପା-ପାତ୍ରୀ।
ବାର ବାର ତୁମେ ବିବଶ ହୋଇଛ
ଦେଖି ଭକତର ଭକ୍ତି ,
ମନୋବାଞ୍ଛା ତାଙ୍କ ପୂରଣ କରିଛ
ବିତରି ଆପଣା ଶକ୍ତି ।
ଧ୍ରୁବ,ପ୍ରହଲ୍ଲାଦ, ଶବରୀ,ନାରଦ
ଅଛି ପରା ତାଙ୍କ ଉକ୍ତି,
ସୁଦାମା, ଦାସିଆ,ବନ୍ଧୁ ମହାନ୍ତିଙ୍କ
ଗାଥାଟି ଜଗାଏ ତୃପ୍ତି ।
କେତେ ବାଗେ ତୁମେ କାହାକୁ ତାରିଛ
ଦେଇଛ ଜଞ୍ଜାଳୁ ମୁକ୍ତି,
ମୋହ ପ୍ରତି କର କରୁଣା କିଞ୍ଚିତ
ଲଭିବି ଚରମ ତୃପ୍ତି ।
ମୁକ୍ତି ପଥର ଯାତ୍ରୀ-ମୁଁ ଏବେ
ମୁକ୍ତି ପଥର ଯାତ୍ରୀ,
ଯୁକ୍ତି କରିକି ତୃପ୍ତି ଚାହେଁନା
କର ତଵ କୃପା-ପାତ୍ରୀ।
ବି ନିରୁପମା।
ମାମୁରିଆ, ଛେଣ୍ଡିପଦା,ଅନୁଗୋଳ।