ସଂସ୍କାର ଉତ୍ସ

ଶିଖାଇଛି ମୋତେ ପରିବାର ମୋର

ଭାତୃଭାବ ରଖି ତୁ ବାଟ ଚାଲିବୁ l

ଗୁରୁ, ଗୁରୁଜନଙ୍କୁ ସମ୍ମାନ ଦେବୁରେ

ସାନଙ୍କୁ ସ୍ନେହରେ ବାନ୍ଧି ରଖିବୁ, l

ମା', ଗାଆଁ, ଦେଶ କେବେ ଭୁଲିବୁନି

ପାଇଛୁ ଅନେକ ଭୁଲିନଯିବୁ l

ଯେଉଁଠି ଜୀବନ ଦେବୁରେ ସମ୍ମାନ

ଛୋଟବଡ଼ ଜମା କେବେ ନ ଭାବିବୁ l

ନିଜର ସମ୍ମାନ ରଖିବୁ ବାବୁରେ

ସ୍ୱାଭିମାନୀ ଆଉ ବୀବେକି ହେବୁ l

ଅନ୍ୟାୟ, ଅଧର୍ମ ଦେଖିଲେ ରେ ତୁହି

ପ୍ରତିବାଦ ତୁ ଯେ ନିଶ୍ଚେ କରିବୁ l

କାହାକୁ କେବେ ତୁ ଭାବିବୁନି ମୁର୍ଖ

ମନେ ଅହଙ୍କାର କେବେ ନ ଆଣିବୁ l

ଈଶ୍ୱର ବିଶ୍ୱାସ ସଦା ରଖିବୁ ମନରେ

ସାହସ, ବୁଦ୍ଧି ତାଙ୍କଠୁ ନିଶ୍ଚେ ପାଇବୁ l

ଠକିବାର କଥା ଭାବିବୁନି କେବେ

ଗାତରେ ଦିନେ ତୁ ନିଜେ ପଡ଼ିବୁ l

ଅଳସୁଆ ଜମା ହେବୁନିରେ ଧନ

କର୍ମଚଞ୍ଚଳରେ ଜୀବନ କାଟିବୁ l

ସଭିଙ୍କ ମଙ୍ଗଳ ଚିନ୍ତା କରିବୁରେ

ଜୀବନପଥେ ତୁ ଶାନ୍ତିରେ ଚାଲିବୁ।