ପ୍ରେମ ମୋ' କବିତା
ପ୍ରେମ ମୋ' କବିତା
1 min
6.5K
କବିତାରେ ଖୋଜେ
ମୋ'ପ୍ରିୟ ପ୍ରେୟସୀ,
କବିତାରେ କଳ୍ପେ ମାଆ ।
କବିତା ଯେ ମୋର
କଳ୍ପନାର ରାଣୀ
ମୋ' ନିଃସ୍ୱ ଜୀବନ ସାହା ।
କବିତା ହିଁ ମୋର
ସଖା ସହଚର
ବଦାନ୍ୟ ବନ୍ଧୁର ସ୍ୱର ।
ହସିଥାଏ ନେଇ
ଖେଳିଥାଏ ନେଇ
ତା' ଉନ୍ମେଷ ଉପହାର ।
କବିତାରେ ଦେଖେ
ଜହ୍ନର ଜୋଛନା
ସରଗର ପାରିଜାତ ।
ଭଗ୍ନ କୋଣାର୍କର
ସ୍ୱର୍ଣ୍ଣ ଇତିହାସ
ପୁଣି,ମୋ'ସ୍ମୃତି ସୁବାସ ।
ବେଦର ବର୍ଣନା
ଗୀତା ର ସଙ୍ଗୀତ
ମୋ'କବିତା କଳ୍ପଲତା ।
ଗଙ୍ଗା ପବିତ୍ରତା
ଯମୁନା ଶୁଭ୍ରତା
ସରସ୍ୱତୀ ତା'ର ମାତା ।
ସମସ୍ତେ ଭାବନ୍ତି
ମୁଁ ପ୍ରେମ କବିତା
କାହାପାଇଁ ଲେଖୁଅଛି ।
କବିତା ମୋ' ପ୍ରେମ
ପ୍ରେମ ମୋ'କବିତା
ତାକୁ ନେଇ ମୁଁ ବଞ୍ଚିଛି ।
ସେମିତି ଭାବିଲେ
ବିଶ୍ୱବାସୀ ମୋର
ପୁଣ୍ୟ ପ୍ରେମ ଅଗଣାରେ ।
ସମସ୍ତଙ୍କୁ ନେଇ
ସାଇତି ରଖିଛି
ମୋ'ହୃଦୟ ଇଲାକାରେ ।