ତୁମ ଗାଁ

ଆଖିରେ ଆଙ୍କିଛି ଛବି ମୁଁ ତୁମରି

ମନରେ ଲେଖିଛି ନାଆଁ

ମୋତେ ଏବେ ବେଶି ଆପଣାର ଲାଗେ

ପ୍ରିୟା ଗୋ ତୁମରି ଗାଆଁ ।

ତୁମ ଗାଆଁ ବିଲ ପାହାଡ଼ ଝରଣା

ଆମ୍ବ ତୋଟା ନଈ ତୁଠ

ତୁମ ଗାଁ ମଶାଣୀ ତୁମ ଗାଁ ଭାଷାଣି

ତୁମରି ମନ୍ଦିର ମଠ ।

ତୁମ ଗାଁ ପଡିଆ ତୁମ ଗାଁ ଗଢିଆ

ତୁମ ଗାଁ ପୂଜା ପରବ

ତୁମ ଗାଆଁ ଶୀତ ତୁମ ଗାଁ ବସନ୍ତ

ଲାଗୁଛି ଭାରି ଗରବ ।

ତୁମ ଗାଆଁ ରାତି ତୁମ ଗାଁ ସକାଳ

ତୁମ ଗାଁ ଶୀତ କାକର

କେଜାଣି କାହିଁକି ତୁମ ଗାଆଁ ଏବେ

ଲାଗୁଛି ବେଶି ନିଜର ।

*****

ପ୍ରଶାନ୍ତ କୁମାର ନାଥ

ସୁନ୍ଦରପୁର,ଉତ୍ତରକୂଳ ହାଟ୍,ପ୍ରୀତିପୁର,ଯାଜପୁର ।

ମୋ-୮୩୧୦୩୨୮୩୪୫