ଵିଶ୍ଵ କ୍ରୀଡା ମହାସମର
ଵିଶ୍ଵ କ୍ରୀଡା ମହାସମର
ଵିଶ୍ଵ ଦରବାରେ କ୍ରୀଡା ସମରରେ
ଭାରତର ମହାନିଷ୍ଠା ,
କ୍ରୀଡାବୀତ ମାନେ ମହାବୀର ଦର୍ପେ
ଦେଖାଇବେ ପରାକାଷ୍ଠା ! !
କ୍ରିକେଟ ସମର ସବୁରି ପ୍ରିୟର
ଦର୍ଶନେ ଦର୍ଶକ ପ୍ରୀତ ,
ଉତ୍କଣ୍ଠାର କ୍ରୀଡା ଭରେ ଉତ୍ସୁକତା
ହୃଦ ସ୍ପନ୍ଦନର ମିତ ! !
ଜାତୀୟତା ବୋଧ ହୁଏ ପ୍ରକଟିତ
ଭିନ୍ନତାର ନାହିଁ ପ୍ରଶ୍ନ ,
କ୍ରିକେଟ ସମରେ ଜିତିବା ଆଶାରେ
ସଭିଁଏ ପଢନ୍ତି ମନ୍ତ୍ର ! !
ବିଦେଶ ମାଟିରେ କ୍ରୀଡାବିତ ହସେ
ଚଉକା ଛକା ଭିଆଇ ,
ତ୍ରିରଙ୍ଗାକୁ ଧରି ଦର୍ଶକ ବୋଲଇ
ମୁଁ'ଯେ ଭାରତୀୟ ଭାଇ ! !
ଵିଶ୍ଵକପ ନେଇ ଯିବୁ ଆମେ ଧାଇଁ
ସୁଦୂର ଭାରତ ଦେଶ ,
ବଢିବ ଗୌରବ ବଢିବ ସମ୍ମାନ
ରଚିବୁତ ଇତିହାସ ! !
ବିପକ୍ଷ ଦେଶକୁ ହରାଇ ଦେବାକୁ
ଆମରତ ଅଛି ବଳ ,
ବୋଲିଙ୍ଗି ବ୍ୟାଟିଙ୍ଗି ପରଖି ନିରିଖି
ଖେଳିବୁତ ଆମେଖେଳ ! !
କୋଟି ଜନଗଣ କରନ୍ତିତ ପଣ
ଦେଶଜିତୁ ଆମବାଜି ,
ଧୋନୀ ଯୁବରାଜ ଗମ୍ଭୀର ବିରାଟ
ସରାଗେ ଉଠନ୍ତୁ ଗର୍ଜି ! !
ଉଥାପା ଚହଲ ପାଣ୍ଡିଆ ହାର୍ଦ୍ଧିକ
ରଣକ୍ଷେତ୍ର ବଳବାନ
ୟୁସୁଫ ପଠାନ ଜାହିର ଖାଆନ
ଢାଲିଦେବେ ମନପ୍ରାଣ ! !
ଭାରତ ଦେଶର କ୍ରିକେଟ ଯବାନ
ଵିଶ୍ଵ ଦରବାରେ ଖ୍ଯାତ,
ଦେଶ ମାତୃକାର ସୁଯୋଗ୍ୟ ସନ୍ତାନ
ଗୌରବରେ ବିମଣ୍ଡିତ ! !
ଜାତୀୟ ପତକା ତ୍ରିରଙ୍ଗାର ଝଣ୍ଡା
ଉଡିବ ବିଜୟ ପଣେ ,
ଵିଶ୍ଵ ବିଜୟିନୀ ହେଉମାଆ ଭାରତୀ
କ୍ରୀଡା ସମର'ର ରଣେ ! !