ମୁଁ କେତେ ମିଠା ?
ମୁଁ କେତେ ମିଠା ?
1 min
6.4K
ମୁଁ କେତେ ମିଠା ?
କିଏ ଦେଇପାରିବ ତା'ର ଗୋଟେ ସଠିକ୍ ଚିଠା ?
ପଚାରିଲି ସାଗରକୁ...
ଫେରେଇଲା ସେ ସରୁବାଲି ମିଶା ଆଞ୍ଜୁଳାଏ ଲୁଣି ଜୁଆର ।
ପଚାରିଲି ଆକାଶକୁ...
ଫେରେଇଲା ସେ ମେଘ ମିଶା ଦୁଇ ବୁନ୍ଦା ଲୁହ ଦୁଇ ଧାର ।
ପଚାରିଲି ଧରଣୀକୁ...
ଫେରେଇଲା ସେ ଧୁଳି ଧୂସରିତ ମୁଠାଏ ଦେହର ଅଧାର ।
ପଚାରିଲି ଫୁଲକୁ,
ପଚାରିଲି ଭ୍ରମରକୁ,
ପଚାରିଲି ବି
ପବନ, ସପନ ଓ
ବିତି ଯାଇଥିବା ମୋ ତିରିଶଟା ଫଗୁଣକୁ...
ନା ନା ଉତ୍ତରରେ ଭିନ୍ନ ଭିନ୍ନ ପଟାନ୍ତର
ଜାଣି ହେଲାନି କିନ୍ତୁ
ମୋ ମିଠାପଣର ଆପାତତଃ ପରିମାଣ !
ସତରେ ! ମୁଁ କେତେ ମିଠା ?
କିଏ ଦେଇପାରିବ ତା'ର ଗୋଟେ ସଠିକ୍ ଚିଠା ?