ଆତ୍ମସମୀକ୍ଷା

ସମୟର ଅଫେରା ସୁଅରେ

ନିଜ ଅତୀତକୁ ବନ୍ଧା ପକାଇ

ଅସ୍ତିତ୍ବ ଖୋଜୁଛି ଏ ଜୀବନ.....

ଛଳନାର କୁହୁଡ଼ିରେ ପହଁରି ପହଁରି

ଅହମିକାର ଚାଦର ତଳେ

ନିତି କରୁଛି ବି ଅନୁଧ୍ୟାନ....(୧)

ମିଥ୍ୟା ପ୍ରତାରଣାର ବୁଢ଼ୀଆଣି ଜାଲରେ

ବୁଣି ଚାଲିଛି ବୀଜ ଅବିଶ୍ୱାସର.....

ଆଉ ଓଠ ବି ଝରାଉଛି

ଚେନାଏ କୃତ୍ରିମ ହସ

ଅହମିକା ଓ ସମ୍ଭ୍ରାନ୍ତପଣିଆର.......(୨)

ଆତ୍ମକୈନ୍ଦ୍ରିକତାରେ ମୋହାବିଷ୍ଟ ହୋଇ

କରୁଛି ବି ଚଞ୍ଚକତା

ସାମୂହିକ ସ୍ୱାର୍ଥରେ....

ଆଉ ଠକି ଚାଲିଛି ନିଜକୁ ,

ପରିବାରକୁ,ସମାଜକୁ

ଆତ୍ମସମୀକ୍ଷା କରିବାର ପ୍ରବଞ୍ଚନାରେ.... (୩)

ଦେବବ୍ରତ ଜେନା

ସହକାରୀ ଶିକ୍ଷକ

ରଣସିଂହପୁର ଆଶ୍ରମ ,ଭୋଗରାଇ, ବାଲେଶ୍ଵର

ଭ୍ରାମ୍ୟଭାଷ:୯୫୮୩୧୩୮୫୩୩