ହସ ଫିକିଫିକି ମଲ୍ଲୀ ଫୁଲେ ଦେଖି
ହସ ଫିକିଫିକି ମଲ୍ଲୀ ଫୁଲେ ଦେଖି
ହସ ଫିକିଫିକି ମଲ୍ଲୀ ଫୁଲେ ଦେଖି
ଆଭାକାନ୍ତ ମହାନ୍ତି
ହସ ଫିକିଫିକି ମଲ୍ଲୀ ଫୁଲେ ଦେଖି
ସ୍ମୃତି ଧିକିଧିକି ଜାଳେ ମଥା,
ଇଚ୍ଛା ଢୋକି ଢୋକି ଫେରିଥିଲି ସିନା
ଏଡ଼ି ଟିକି ଟିକି ତୁମ କଥା । ୦ ।
ଏବେ ଅବସର ଅସହ୍ୟ ଅତି ଗୋ
ଦିବସ କାଟଇ କାମ ଆଳେ,
ସଙ୍ଗ ମେଳାପରେ ମନ ଲାଗୁନାହିଁ
ମନ ଉଡ଼େ ଦୂର ମେଘତଳେ,
ତୁମ ଚିକିଚିକି ରୂପେ ମନ ଲାଖେ
ଯାଏ ଭିଜି ଭିଜି ଆଖିପତା । ୧ ।
ଛାଇ ଦେଖି ଏବେ ହୁଏ ଆନମନ
ହାଇ ପରେ ହାଇ ଆସେ ଖାଲି,
ଥାପୁଡ଼େଇ ମନ ବୁଜିଲେ ପଲକ
ଆଖି କହେ ନିଦ ଗଲି ଭୁଲି,
ଏବେ ଠିକି ଠିକି ଶିଖୁଛି ସିନା ଗୋ
ଲାଗେ ଝିକିଝିକି ଆନ ଚିନ୍ତା । ୨ ।
ନୂଆସାହି, ବିଡ଼ାନାସୀ
କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****