ଶ୍ରୀ ରାମ ଓ ମୁଁ
ଶ୍ରୀ ରାମ ଓ ମୁଁ
ଜୟ ଶ୍ରୀ ରାମ
ତୁମେ ତୁଳସୀ ମହାକାବ୍ୟର ମହାନାୟକ,
ମୁଁ ଯନ୍ତ୍ରଣାର ଶିଳା ପରେ ମୁମୂର୍ଷୁ ଗାୟକ ।
ତୁମେ କଳି ସନ୍ତାପିତ ଧରାରେ ଅମୃତ ମହକ,
ମୁଁ ଜର୍ଜରିତ ଆତ୍ମାର ପିଆସି ଚାତକ।
ତୁମେ ଲକ୍ଷ୍ମଣ ଶରମୁନେ ମର୍ଯ୍ୟାଦାର ତିନି ଗାର,
ମୁଁ ଅଶୋକ ବନରେ ସୀତାଅଶ୍ରୁଧାର।
ତୁମ ସବରୀ କୁଡ଼ିଆରେ ବନବାସୀଟିଏ,
ମୁଁ ପଦସ୍ପର୍ଶ ପ୍ରତୀକ୍ଷିତ ଅଭିଶପ୍ତ ଅହଲ୍ୟାଟିଏ ।
ତୁମେ ବୁଢା ନାଉରୀର ଭାବ ନଉକା,
ମୁଁ ମିଛ ଅପବାଦେ ସତୀ ଅଗ୍ନିପରୀକ୍ଷା।
ତୁମେ ଧର୍ମ ସଂସ୍ଥାପନେ କୋଦଣ୍ଡ ଧର,
ମୁଁ ଗୁଣ୍ଡୁଚି ପିଠିରେ ତୁମ ଅଲିଭା ସ୍ଵାକ୍ଷର ।
ତୁମେ ତ୍ରାଣକର୍ତ୍ତା ଏ ଭଵ ସଂସାରେ ମୃତ ସଂଜୀବନି ଧାରା,
ମୁଁ ଅଜ୍ଞାନ ଅରଣ୍ୟେ ମାୟାର ସୁନା ହରିଣୀଟେ ପରା ।
ତୁମ ମୋ ଭିତରେ ଏତିକି ଅନ୍ତର,
ତୁମେ ଆତ୍ମା ପରମାତ୍ମାର ସେତୁବନ୍ଧଟିଏ
ମୁଁ ଦଶାନନର ଦଗ୍ଧୀଭୁତ ଲଙ୍କା ନଗର।।
।।ବିଭୁ।।