ରହିଛୁ ଆପଣା ଲାଭେ
ରହିଛୁ ଆପଣା ଲାଭେ
ଆଉ କିଏ ତୋତେ ଚିହ୍ନୁ ବା ନ ଚିହ୍ନୁ
ଚିହ୍ନିଛି ମୁଁ ଭଲ ଭାବେ ,
ଆନ ଭଲ ମନ୍ଦ ତେଣିକି ରଖି ତୁ
ରହିଛୁ ଆପଣା ଲାଭେ ।(ଘୋଷା)
କାହାର କି ଗଲା,କିଏ କି ପାଇଲା
ତୋହରି ଯାଉଛି କିସ ,
ଷାଠିଏ ପଉଟି ଖାଇଦେଇ ନିତି
ଦେଉଛୁ ମୁରୁକି ହସ ।
ତୋ ସେବା ପୂଜାରେ ହେଉନି ତ ଊଣା
ଯେ ଥିଲେ ବି ଯେଉଁ ଭାବେ ।(୧)
ଆନ ଭଲ ମନ୍ଦ ତେଣିକି ରଖି ତୁ
ରହିଛୁ ଆପଣା ଲାଭେ ।
ମଣିମା ମଣିମା ଗୁହାରି କରିଲେ
ଶୁଣିମା ହେଉନି ଡାକ ,
ଡାକି ଡାକି କେତେ ବିତେଇ ଦିଅନ୍ତି
ତାଙ୍କର ଜୀବନ ଯାକ ।
ଜାଣି ଜାଣି ଯଦି ଗାଲୁଆ ହେବୁ ତୁ
ସାହା ହେବ କିଏ ତେବେ !(୨)
ଆନ ଭଲ ମନ୍ଦ ତେଣିକି ରଖି ତୁ
ରହିଛୁ ଆପଣା ଲାଭେ ।
ଆଉ କିଏ ତୋତେ ଚିହ୍ନୁ ବା ନ ଚିହ୍ନୁ
ଚିହ୍ନିଛି ମୁଁ ଭଲ ଭାବେ ,
ଆନ ଭଲ ମନ୍ଦ ତେଣିକି ରଖି ତୁ
ରହିଛୁ ଆପଣା ଲାଭେ ।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ ।